عالمی برادری مقبوضہ کشمیر میں انسانی حقوق کی سنگین خلاف ورزیوں کا نوٹس لے٬ کشمیریوں کو آزادانہ اور منصفانہ استصواب رائے کے ذریعے حق خودارادیت دلانے کے وعدے پورے کئے جائے ٬بھارت پورے خطہ میں امن و خوشحالی اور تنازعہ کشمیر کے حل کیلئے سلامتی کونسل کی متعلقہ قراردادوں پر عمل کرے
صد ر مملکت ممنون حسین کا مقبوضہ کشمیر میں بھارت کے غاصبانہ قبضے کے خلاف یوم سیاہ کے موقع پر پیغام
جمعرات 27 اکتوبر 2016 16:52
(جاری ہے)
انہوں نے کہا کہ مقبوضہ جموں و کشمیر پر غیرقانونی قبضہ نے علاقہ کے ڈیڑھ ارب سے زائد عوام کو پچھلے سات عشروں سے امن و خوشحالی سے محروم کر رکھا ہے۔
صدر مملکت نے کہا کہ 27 اکتوبر کو دنیا بھر میں یوم سیاہ منایا جاتا ہے٬ یہ وہ دن ہے کہ جب 1947ء میں بھارتی افواج غیرقانونی قبضہ کیلئے سرینگر میں داخل ہوئیں اور انسانی تاریخ کا سب سے المناک باب شروع ہوا۔ انہوں نے کہا کہ کشمیریوں کی چار نسلیں بھارت کے ظلم و جبر کا شکار رہی ہیں٬ 8 جولائی 2016ء کو نوجوان کشمیری لیڈر برہان وانی کی ماورائے عدالت شہادت کے بعد 68 سال سے جاری بھارت کے ظلم و جبر کا ایک نیا سلسلہ شروع ہوا۔ انہوں نے کہا کہ بھارت کی پوری ریاستی مشینری مقبوضہ کشمیر کے نہتے عوام کے خلاف ریاستی دہشت گردی میں ملوث ہے جو اقوام متحدہ کی قراردادوں کے مطابق اپنا حق خود ارادیت مانگ رہے ہیں۔ انہوں نے کہا کہ بھارتی قابض افواج کشمیریوں کے خلاف گولہ بارود اور پیلٹ گنز استعمال کر رہی ہیں۔ انہوں نے کہا کہ لوگوں کی آنکھوں کو براہ راست نشانہ بنانے کی بربریت کی مہذب انسانی تاریخ میں کوئی مثال نہیں ملتی۔ مقبوضہ کشمیر میں مکمل طور پر لاقانونیت ہے٬ کشمیری لیڈروں٬ انسانی حقوق کے کارکنوں٬ صحافیوں اور احتجاج کرنے والوں کو گرفتار کیا گیا ہے۔ صدر مملکت نے کہا کہ ہزاروں افراد بغیر کسی مقدمہ کے قید ہیں٬ کل جماعتی حریت کانفرنس کے لیڈر مسلسل زیر حراست ہیں٬ موبائل فون٬ انٹرنیٹ سروس اور کیبل ٹی وی مکمل طور پر بند ہے٬ مقبوضہ کشمیر کی تاریخ کے طویل ترین کرفیو کی وجہ سے ایک انسانی بحران پیدا ہوا ہے جس سے کشمیری عوام کی زندگی اور روزگار بری طرح متاثر ہوا ہے۔ صدر مملکت نے کہا کہ مقبوضہ کشمیر کے بہادر عوام نے بھرپور ہمت اور حوصلہ کے ساتھ بھارت کے ریاستی ظلم و جبر کو شکست دی ہے اور وہ حق خود ارادیت کیلئے زیادہ پرعزم ہو گئے ہیں۔ انہوں نے کہا کہ پاکستان کے عوام اور دنیا بھر کے آزادی سے محبت کرنے والے لوگ بھارتی بربریت کا دلیری سے مقابلہ کرنے پر ان کے حوصلہ کو سلام پیش کرتے ہیں۔ صدر مملکت نے کہا کہ ہم اپنے کشمیریوں بھائیوں کے ساتھ مکمل اظہار یکجہتی کرتے ہیں اور حق خود ارادیت کیلئے ان کی جدوجہد کی حمایت جاری رکھیں گے۔ صدر مملکت نے کہا کہ بھارت کے قبضہ سے لاکھوں کشمیریوں کی آزادی تک ان کیلئے ہماری حمایت جاری رہے گی۔متعلقہ عنوان :
مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.