آواران میں زور دار دھماکہ ٬سیکیورٹی اہلکار زخمی ہو گیا ٬ ہسپتال منتقل

علاقے کی ناکہ بندی کر کے سرچ آپریشن شروع کردیا گیا

جمعرات 27 اکتوبر 2016 14:04

کوئٹہ(اُردو پوائنٹ اخبارتازہ ترین - این این آئی۔ 27 اکتوبر2016ء) بلوچستان کے علاقے آواران میں زور دار دھماکے کے نتیجے میں سیکیورٹی اہلکار زخمی ہو گیا ۔نجی ٹی وی کے مطابق آوارا ن کے علاقے میںسڑک کنارے نصب بارودی مواد کے دھماکے سے سیکیورٹی اہلکار شدید زخمی ہو گیا جسے فوری طور پر ہسپتال منتقل کر دیا گیا ہے ۔

(جاری ہے)

ذرائع کا کہنا ہے کہ سیکیورٹی فورسز کی گاڑی آواران کے علاقے سے آرہی تھی کہ اس دوران سڑک کنارے نصب بارودی واد کو ریموٹ کنٹرول سے اڑا یا گیا ۔

دھماکہ اس قدر زور دار تھا کہ دور دور تک اس کی آوا زسنی گئی ۔لیویز ذرائع کا کہنا ہے کہ دھماکہ اس وقت کیا گیا جب سیکیورٹی فورسز کی گاڑی گزر رہی تھی ۔ دھماکے کے بعد زخمی ہونے والے اہلکار کو ہسپتال منتقل کر دیا گیاہے اور علاقے کی ناکہ بندی کر کے سرچ آپریشن شروع کر دیا گیا ہے ۔