کوئٹہ : پولیس ٹریننگ کالج پر حملے کا مقدمہ نامعلوم ملزموں کیخلاف درج

مقدمے میں انسداد دہشت گردی ایکٹ ٬ قتل اور اقدام قتل سمیت 10 مختلف دفعات شامل

جمعرات 27 اکتوبر 2016 13:19

کوئٹہ(اُردو پوائنٹ اخبارتازہ ترین - آن لائن۔ 27 اکتوبر2016ء) کوئٹہ پولیس ٹریننگ کالج پر حملے کا مقدمہ نامعلوم ملزمان کے خلاف درج کر لیا گیا ہے۔پولیس کے مطابق مقدمہ نمبر 141٬2016 ایس ایچ او نیوسریاب پولیس تھانہ خلیل احمد بگٹی کی مدعیت میں درج کیا گیا۔ مقدمے میں انسداد دہشت گردی ایکٹ ٬ قتل اور اقدام قتل سمیت 10 مختلف دفعات شامل کی گئی ہیں۔

(جاری ہے)

آیف آئی آر میں حملہ آور سے 4 دستی بم ٬ 2 ڈیٹونیٹرز٬ 2 کلاشنکوف ٬ ایک خود کش جیکٹ اور گولیوں کی برآمد کا مقدمے میں اندراج ہے۔

پولیس ٹریننگ کالج حملے میں 2 فوجیوں سمیت 62 پولیس اہلکار شہید ٬ 117زخمی ہوئے تھے۔کوئٹہ پولیس ٹریننگ کالج میں زخمیوں ہونے والوں میں سے 62 ہسپتالوں میں زیر علاج ہیں جبکہ 54 کو صحت یاب ہونے پر فارغ کر دیا گیا۔ واضح رہے کہ کوئٹہ پولیس ٹریننگ کالج حملے میں 2 پاک آرمی کے جوانوں سمیت 62 پولیس اہلکار شہید اور 116 زخمی ہو گئے تھی