اسلام آباد٬ سعودی عرب جانے والے شخص سے ڈیڑھ کلو آئس اور ہیروئن بر آمد ٬ ملزم گرفتار

جمعرات 27 اکتوبر 2016 11:39

اسلام آباد ۔ (اُردو پوائنٹ اخبارتازہ ترین - اے پی پی۔ 27 اکتوبر2016ء) اسلام آباد میں ائیرپورٹ سکیورٹی فورسز نے سعودی عرب جانے والے شخص سے ڈیڑھ کلو آئس اور ہیروئن بر آمد کر کے ملزم کو گرفتار کر لیا ہے۔

(جاری ہے)

نجی ٹی وی چینل کے مطابق جمعرات کی صبح اسلام آباد بینظیر انٹر نیشنل ائیر پورٹ پر ائیرپورٹ سکیورٹی فورسز نے اسلام آباد سے روزگار کے لئے سعودی عرب جانے نوجوان کے سامان کی تلاشی کے دوران ڈیڑھ کلو نشہ آور مرکب آئس اورہیروئن بر آمد کر کے ملزم کو گرفتار کر لیا ۔ رپورٹ کے مطابق ملزم مردان کا رہائشی ہے اور اسے تحقیقات کے لئے اینٹی نارکوٹس فورس کے حوالے کر دیا گیا ہے۔