اسلام آباد ائیرپورٹ سے سعودی عرب ہیروئن اسمگل کرنیکی کوشش ناکام٬ مسافرگرفتار

گرفتار مسافرمردان کا رہائشی ہے جب کہ مسافر کو ایف آئی کے حوالے کردیا گیا

جمعرات 27 اکتوبر 2016 11:27

اسلام آباد(اُردو پوائنٹ اخبارتازہ ترین - آئی این پی۔ 27 اکتوبر2016ء) بے نظیر انٹرنیشنل ائیرپورٹ پر تعینات اہلکاروں نے سعودی عرب جانے والے مسافر کو اس کے سامان سے ڈیڑھ کلو ہیروئن برآمد ہونے پر گرفتار کرلیا ۔

(جاری ہے)

بے نظیر انٹرنیشنل ائیرپورٹ پر تعینات اے ایس ایف اہلکاروں نے شاہین ائیر لائن کی پرواز نمبر این ایل 739 کے ذریعے سعودی عرب کے دارالحکومت ریاض جانے والے مسافر اختر حسین کے سامان سے بھاری مقدار میں ہیروئن برآمد کرلی۔اے ایس اہلکارکا کہنا ہے کہ اختر حسین مردان کا رہائشی ہے اور اس کے قبضے سے ڈیڑھ کلو آئس ہیروئن برآمد ہوئی جس کی بین الاقوامی مارکیٹ میں مالیت ایک کرور روپے سے زیادہ ہے۔ مسافر کو اے این ایف کے حوالے کردیا گیا ہے۔