پی ٹی آئی عمران خان کے مقدمات کے خلاف ڈٹ گئی

عمران خان سمیت کوئی بھی پاٹی رہنما سیاسی بنیادوں پر درج کرائے گئے مقدمات میں ضمانت حاصل نہیں کرے گی٬ نعیم الحق

بدھ 26 اکتوبر 2016 20:54

اسلام آباد(اُردو پوائنٹ اخبارتازہ ترین - آن لائن۔ 26 اکتوبر2016ء) پاکستان تحریک انصاف کے ترجمان نعیم الحق نے کہا ہے کہ چیئرمین پی ٹی آئی عمران خان سمیت کوئی بھی پاٹی رہنما سیاسی بنیادوں پر درج کرائے گئے مقدمات میں ضمانت حاصل نہیں کرے گی ٬پی ٹی آئی عمران خان کے مقدمات کے خلاف ڈٹ گئی٬ حکومت اتنے بڑے لیڈر کو دہشت گرد قرار دے رہی ہے ٬ان خیالات کا اظہا رانہوں نے ہائیکورٹ اسلا م آباد کے باہر میڈیا سے گفتگو کرتے ہوئے کیا ٬نعیم الحق کا کہنا تھا کہ عمران خان پی ٹی وی حملہ کیس میں ملوث نہیں ہے اور نہ ہی سیاسی بنیادوں پر دج کرائے گئے مقدمات میں ضمانت حاصل کرینگے ٬ان کا کہنا تھا کہ اگر حکومت نے چیئرمین تحریک انصاف عمران خان کو گرفتار کرنے کی کوشش کی تو اس کا سخت ردعمل آئے گا بیشک حکومت اپنا یہ شوق بھی پورا کر لے ٬ان کا کہنا تھا کہ ہم تھانہ سیکریٹریٹ میں درج دہشت گردی کے چار مقدمات میں ضمانت نہیں کرائے گئے ٬اگر عدالت نے عمران خان کو اشتہاری قرار دیا ہے تو عدالت اپنی کارروائی کرے ہم نے ضمانت نہیں کرانی۔

( مہر علی خان)