مولاناقاضی نثار احمد کے تحفظات دور کر نے کیلئے ملاقات کی جائے گی ٬گلگت بلتستان میں امن و امان کے قیام کے ساتھ بھا ئی چارگی کے فروغ کے لیئے عوامی ایکشن کمیٹی کام کر تی رہے گی

گلگت (اُردو پوائنٹ اخبارتازہ ترین - آئی این پی۔ 25 اکتوبر2016ء) عوامی ایکشن کمیٹی نے کہاہے کہ امیر اہلسنت مولاناقاضی نثار احمد کے تحفظات دور کر نے کے لیئے ملاقات کی جائے گی اور گلگت بلتستان میں امن و امان کے قیام کے ساتھ بھا ئی چارگی کے فروغ کے لیئے عوامی ایکشن کمیٹی کام کر تی رہے گی ۔ سی پیک میں گلگت بلتستان کے عوام کے محرومیوں کا ازالہ کیا جائے ٹیکسز کے نفاذ کے ظا لمانہ فیصلے کو واپس لیا جائے مبصر قومی اسمبلی میں آئینی حیثیت چا ہیئے مبصر جیسے مذاق کو رد کر تے ہیں اور ایسا لولی پاپ والا مذاق گلگت بلتستان کے عوام کے ساتھ نہ کیا جا ئے بلکہ گلگت بلتستان کے تاریخی و جغرافیا ئی پس منظر کے مطابق آئینی حقوق دیئے جا ئیں ہم پاکستان کے وفادار قوم ہیں اور ہماری وفاداری اور قر با نی کو مد نظر رکھتے ہو ئے آئین پاکستان میں شامل کیا جا ئے ۔

(جاری ہے)

منگل کوعوامی ایکشن کمیٹی کے چیئر مین و امیر جماعت اسلامی مولانا عبد السمیع کے زیر صدارت عوامی ایکشن کمیٹی کے اجلاس سے خطاب کر تے ہو ئے کیا ۔ اجلاس میں امامیہ کو نسل کے ممبر سید یعصب الدین ٬ سپریم کو نسل برمس کے چیئر مین فدا حسین ٬ ایم ڈبلیو ایم کے سیکڑیٹری سیاسیات غلام عباس ایگزیکٹیو باڈی کے ممبر مولانا سلطان رئیس ٬ اسلامی تحریک کے رہنماء اختر حسین ٬ سپریم کونسل خومر کے ممبر حا جی محمد تقی ٬ جماعت اسلامی کے جنر ل سیکڑیٹری نظام الدین ٬ پی ٹی آئی کے رہنماء فاورق احمد ٬ آئی ایچ آر او کے کواڈینیٹر محمد فاورق ٬ جماعت اسلامی کے جہانزیب انقلابی ٬ حلقہ تین گلگت ایگزیکٹیو باڈی کے ممبر محمد علی شاہ سمیت دیگر سیاسی سماجی رہنمائوں نے شر کت کی اجلاس میں متفقہ طور پہ اس بات پہ زور دیا گیا کہ قاضی نثار احمد کے تحفظات کو دور کر نے کی اشد ضرورت ہے جن کو دور کیا جا ئے اور آپس کی چپقلش کو ختم کر نے کے لیئے کام کیا جا ئے ۔

ساتھ ہی جماعت اسلامی گلگت کی جانب سے یکم مئی جشن آزادی گلگت بلتستان منایا جا رہا ہے اس میں عوامی ایکشن کمیٹی کے تمام سیاسی سما جی مذہبی رہنماء افرادی قوت کے ساتھ شریک ہوکر جسن آزادی کے اس پروگرام کو کامیاب بنایا جا ئے ہم ایک قوم ہیں اور ہم آپس میں بھا ئی بھا ئی ہیں ہمیں آپس کے دوریوں کو مٹا نے کے لیے کام کر نے کے ساتھ اپنے حقوق کے حصول کے لیئے کام کر نا ہو گا ۔