ہری پور٬ تربیلا ڈیم کے آبی ذخیرہ میں کمی پانی کی سطح کم ہو کر 1502فٹ پر آگئی

منگل 25 اکتوبر 2016 17:19

ہری پور ۔ (اُردو پوائنٹ اخبارتازہ ترین - اے پی پی۔ 25 اکتوبر2016ء) تربیلا ڈیم کے آبی ذخیرہ میں کمی آگئی ٬جس سے تربیلا ڈیم میں پانی کا ذخیر48فٹ تک کم ہو گیااورڈیم میں پانی کی سطح کم ہو کر 1502فٹ پر آگئی ہے ڈیم میں پانی کی آمد میں بھی کمی کا سامناہے٬تربیلا بجلی گھر میں بجلی کی پیداوار میں بھی بڑی حد تک کمی آگئی۔

(جاری ہے)

تربیلا ڈیم کی ڈیلی رپورٹ کے مطابق تربیلا ڈیم میں پانی کے ذخیرہ میں تیزی سے کمی آرہی ہے٬جس سے ڈیم میں پانی کا ذخیرہ 48فٹ تک کم ہو گیا ہے٬تربیلا ڈیم میں پانی کی سطح کم ہو کر 1502فٹ پر آگئی ہے۔

ڈیم میں پانی کی آمد بھی کم ہو گئی ہے٬ پانی کی آمد 35ہزار 200کیوسک جبکہ کی پانی کا اخراج 45ہزار کیوسک کر دیا گیا ہے ۔ڈیلی رپورٹ میںتربیلا بجلی گھر میں بجلی کی موجودہ صورت حال کے حوالے سے بتایا گیا ہے کہ تربیلا بجلی گھر میں بجلی کی پیداوار میں بڑی حد تک کمی آگئی ہے۔بجلی گھر کے 6 یونٹ بند جبکہ 8 یونٹ بجلی پیدا کر رہے ہیں جن سے ایک ہزار285میگاواٹ بجلی پیدا ہورہی ہے۔