سرحدی تجارت میں اضافہ ٬ ایشیائی ترقیاتی بینک 25 کروڑ ڈالر دے گا

سینٹرل ایشیا ریجنل اکنامک کوآپریشن کی پندرویں کانفرنس میں پاکستان اور بینک کے درمیان معاہدے پر دستخط بھی کئے جائیں گے

جمعہ 21 اکتوبر 2016 19:06

کراچی(اُردو پوائنٹ اخبارتازہ ترین - آن لائن۔ 21 اکتوبر2016ء) ایشیائی ترقیاتی بینک سرحدی تجارت میں اضافے کے لئے 25 کروڑ ڈالرقرض فراہم کرے گا ٬ معاہدے پر دستخط سینٹرل ایشیا ریجنل اکنامک کوآپریشن کی کانفرنس میں کیے جائیں گے ٬ سینٹرل ایشیا ریجنل اکنامک کوآپریشن کی پندرویں کانفرنس آئندہ ہفتے اسلام آباد میں ہو رہی ہے ٬ کانفرنس میں ایشیائی ترقیاتی بینک کے صدر اور ڈائریکٹر آئی ایم ایف کرسٹین لوگارڈ سمیت چین ٬ افغانستان ٬ قازقستان ٬ منگولیا ٬ تاجکستان ٬ ترکمانستان ٬ ازبکستان اور جورجیا کے وزرا بھی شرکت کریں گے۔

(جاری ہے)

اس موقع پر پاکستان اور ایشیائی ترقیاتی بینک کے درمیان 25 کروڑ ڈالر قرض کے معاہدہ پر دستخط کیے جائیں گے۔ ایشیائی ترقیاتی بینک قرض کی رقم سرحدی تجارت میں اضافے کے لئے دے گا۔ 25 اور 26 اکتوبر کو ہونے والی اس کانفرنس کی سربراہی وزیر خزانہ اسحاق ڈار کر رہے ہیں۔ اسحاق ڈار کا کہنا ہے کہ کانفرنس سے تمام ممالک کے باہمی تعاون اور اعتماد میں اضافہ ہوگا۔۔