اٹارنی جنرل آفس نے وزیراعظم کے کیس سے متعلق عمران خان کے بیان کو غیر مناسب اور غیر قانونی قرار دیدیا

اٹارنی جنرل کا حکومتی موقف پیش کرنا آئینی ذمے داری ہے ٬ْاٹارنی جنرل اور سرکاری وکلاعدالتی معاونت کے پابند ہیں ٬ْ بیان

جمعہ 21 اکتوبر 2016 18:09

اسلام آباد (اُردو پوائنٹ اخبارتازہ ترین - این این آئی۔ 21 اکتوبر2016ء) اٹارنی جنرل آفس نے وزیراعظم کے کیس سے متعلق عمران خان کے بیان کو غیر مناسب اور غیر قانونی قرار دیتے ہوئے کہا ہے کہ اٹارنی جنرل کا حکومتی موقف پیش کرنا آئینی ذمے داری ہے ٬ْاٹارنی جنرل اور سرکاری وکلاعدالتی معاونت کے پابند ہیں۔

(جاری ہے)

چیئرمین پی ٹی آئی عمران خان کے بیان پر تبصرہ کرتے ہوئے اٹارنی جنرل آفس نے کہا کہ اٹارنی جنرل اورسرکاری وکلاعدالت کی معاونت کرنے کے پابند ہیں سپریم کورٹ نے پانامہ پیپرز کے حوالے سے دائر درخواستوں پراٹارنی جنرل کو معاونت کے لئے نوٹس دیا ہے عمران خان کی سرکاری وکلا کی جانب سے وزیر اعظم نوازشریف کو تحفظ دینے کی بات غیر آئینی اورغیر مناسب ہے عدالت کی معاونت کرنااورسرکار کا موقف عدالت میں پیش کرنا ہماری آئینی ذمہ داری ہے۔

واضح رہے کہ عمران خان نے بنی گالہ میں صحافیوں سے گفتگو کرتے ہوئے کہا تھا کہ اٹارنی جنرل شریف خاندان کی کرپشن چھپانے کے لیے نواز شریف کا کیس عوام کے پیسے سے نہ لڑیں۔