مارچ روکنے کیلئے مقبوضہ کشمیرمیں کرفیو اور پابندیاںنافذ
بھارتی فوجیوں کی طرف سے مظاہرین پرطاقت کے وحشیانہ استعمال سے متعدد زخمی نام نہاد اراکین اسمبلی جموںوکشمیر پر غیر قانونی تسلط جاری رکھنے کیلئے بھارت کی مدد کرر ہے ہیں٬حریت قیادت
جمعہ 21 اکتوبر 2016 17:34
(جاری ہے)
پابندیوںکی وجہ سے سرینگر کی تاریخی جامع مسجد اور دیگر بڑی مساجدمیں نماز جمعہ ادا نہیں کی جاسکی۔
تاہم کرفیو اور پابندیوںکوتوڑتے ہوئے لو گ سرینگر٬ بڈگام٬ گاندربل٬ بانڈی پورہ٬ کپواڑہ٬ اسلام آباد٬ بارہمولہ٬ پلوامہ٬ شوپیاں٬ کولگام اور دیگر علاقوں میںسڑکوں پر نکل آئے اور مارچ کرنے کی کوشش کی۔ انہوں نے پاکستان اور آزادی کے حق میں اور بھارت کے خلاف زبردست نعرے بلند کئے اور پاکستانی جھنڈے بھی لہرائے۔ بھارتی پولیس اور فوجی اہلکاروں نے متعدد مقامات پرمظاہرین کو طاقت کے وحشیانہ استعمال کا نشانہ بنایا جس سے کئی افراد زخمی ہوگئے۔ ادھر کٹھ پتلی انتظامیہ نے سید علی گیلانی٬ میر واعظ عمر فاروق٬ محمدیاسین ملک٬ شبیر احمد شاہ٬ محمد اشرف صحرائی٬ آسیہ اندرابی اور دیگر حریت رہنمائوں کو مارچ کی قیادت سے روکنے کیلئے گھرو ں ٬ تھانوں اور جیلوں میں مسلسل نظر بند رکھا ۔ بھارتی پولیس نے کل جماعتی حریت کانفرنس کے سینئر رہنما آغا سید حسن الموسوی الصفوی کو نئی دلی سے واپسی کے فوراً بعد گرفتار کر لیا۔ دریں اثنا بھارتی فورسز کی طرف سے شہریوں کے قتل اور دیگر مظالم کے خلاف آج 105ویں روز بھی مقبوضہ وادی میں مکمل ہڑتال کی گئی۔ بھارتی فوجیوں اور پولیس اہلکاروں نے آج بارہ مولہ قصبے میں پکڑدھکڑ کی کارروائیوں کے دوران کم از کم 24 افراد گرفتار کر لیے۔ حریت رہنمائوں نعیم احمد خان٬ یاسمین راجہ٬مختاراحمدوازہ٬زمرودہ حبیب٬فرہدہ بہن جی ٬ حکیم عبدالرشید٬ سید بشیر اندرابی٬ فاروق احمد توحیدی٬ جاوید احمد میر اور ہلال احمد وار نے سرینگر میں جاری اپنے بیانات میں کہا کہ بھارت اپنی ریاستی دہشت گردی کے ذریعے کشمیریوں کی تحریک آزادی کو ہرگز دبا نہیں سکتا۔ میرواعظ عمرفاروق کے فورم ٬جماعت اسلامی مقبوضہ کشمیر اور حریت رہنما محمد شفیع ریشی نے اپنے بیانات میں بھارت مخالف مظاہروں میں حصہ لینے کی پاداش میں سرکاری ملازمین کو نوکریوں سے نکال دینے کے کٹھ پتلی انتظامیہ کے اقدام کی شدید مذمت کی۔ انسانی حقوق کی عالمی تنظیم ایمنسٹی انٹرنیشنل نے اپنی ویب سائیٹ پر جاری بیان میں کم عمر لڑکوں پر کالا قانون پبلک سیفٹی ایکٹ لاگو کرنے پر کٹھ پتلی حکومت کو سخت تنقید کا نشانہ بنایا ۔ بیان میں گرفتار لڑکوں کی فوری رہائی کا مطالبہ کیا گیا۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.