Live Updates

پاکستان کے مستقبل کافیصلہ2نومبرکوہوگا۔عمران خان

کرپشن کابادشاہ نوازشریف پاناما میں چوری کرتے ہوئے رنگے ہاتھ پکڑاگیا،مجھے بتاؤ غیرت مندپاکستانیوں!کیاتم ایک چوراورڈاکو کواپناوزیراعظم مانتے ہو؟کلمہ طیبہ پڑھنے والاکبھی بھی ایک کرپٹ کو اپنا سربراہ نہیں مانتا،جب سربراہ چوری کرتا ہے تو نیچے سارا نظام کرپٹ بنا دیتا ہے۔چیئرمین پی ٹی آئی کا پشاور میں عوامی جلسہ سے خطاب

Sanaullah Nagra ثنااللہ ناگرہ جمعہ 21 اکتوبر 2016 16:49

پاکستان کے مستقبل کافیصلہ2نومبرکوہوگا۔عمران خان

پشاور(اردوپوائنٹ اخبارتازہ ترین۔21اکتوبر2016ء) :پاکستان کے مستقبل کا فیصلہ2نومبرکو ہوگا،کرپشن کا بادشاہ نوازشریف پاناما میں چوری کرتے ہوئے رنگے ہاتھ پکڑا گیا،مجھے بتاؤ غیرت مندپاکستانیوں کہ کیا تم ایک چوراور ڈاکو کو اپنا وزیراعظم مانتے ہو؟ کلمہ طیبہ پڑھنے والا کبھی بھی ایک کرپٹ کو اپنا سربراہ نہیں مانتا،جب سربراہ چوری کرتا ہے تو نیچے سارا نظام کرپٹ بنا دیتا ہے،ایک طرف نوازشریف اور اس کیساتھ ملک کے بڑے بڑے ڈاکوآصف زرداری،الطاف حسین،مولانافضل الرحمن،اسفندیارولی جبکہ دوسری طرف تحریک انصاف ایک نیا پاکستان کھڑا ہے،انشاء اللہ2نومبرکو فیصلہ نئے پاکستان کے حق میں ہوگا۔

انہوں نے آج پشاور میں عوامی جلسہ سے خطاب کرتے ہوئے کہا کہ آج جلسہ تو شاہ فرمان کا تھا۔

(جاری ہے)

لیکن میں نے کہا کہ میں اپنے جنونی نوجوانوں سے ملوں اور 2نومبر کی دعوت دوں۔انہوں نے کہا کہ پاکستان کے مستقبل کا فیصلہ2نومبرکو ہوگا۔کرپشن کا بادشاہ نوازشریف پاناما میں چوری کرتے ہوئے رنگے ہاتھ پکڑا گیا،مجھے بتاؤ غیرت مندپاکستانیوں کہ کیا تم ایک چوراور ڈاکو کو اپنا وزیراعظم مانتے ہو؟ کلمہ طیبہ پڑھنے والا کبھی بھی ایک کرپٹ کو اپنا سربراہ نہیں مانتا،جب سربراہ چوری کرتا ہے تو نیچے سارا نظام کرپٹ بنا دیتا ہے۔

مچھلی سرسے گلتی اور سڑتی ہے جبکہ ایک ملک اوپر سے تباہ ہوتا ہے۔انہوں نے کہا کہ ہمارے پیارے نبی نے مدینہ کی ریاست کو اپنے اخلاق اور دیانتداری سے اوپراٹھا دیا۔مدینہ کی ریاست کی بنیادعدل و انصاف پر رکھی گئی پھر اسی ریاست نے دنیا کی امامت کی۔انہوں نے کہا کہ ہم نے اس ملک کو پاؤں پر کھڑا کرنا ہے نہ قرض لینا ہے نہ بھیگ مانگنی ہیں۔چیئرمین پی ٹی آئی نے کہا کہ آج کے بچے سب تحریک انصاف میں ہیں۔

جب بچوں کے باپ دوسری جماعتوں میں لیکن ان کے بچے اور میری بہنیں تحریک انصاف میں ہیں۔انہوں نے کہا کہ جو اس ظلم اور ناانصافی کیخلاف جہاد میں شرکت نہیں کرے گا۔شاہ فرمان کی میں ذمہ داری لگا رہاہوں۔کہ ہم آرہے ہیں اگر یہ شاہ فرمان پیچھے ہٹا تو میں اس کو جیل میں ڈالوں گا۔انہوں نے کہا کہ نہ شاہ فرمان پیچھے ہٹے گا نہ ہی میرے پختون نوجوان پیچھے ہٹین گے ،نہ ہی پرویزخٹک پیچھے ہٹے گا اور نہ ہی کبھی عمران خان پیچھے ہٹا ہے۔

Live پاکستان تحریک انصاف سے متعلق تازہ ترین معلومات