سینیٹ کی کم ترقی یافتہ علاقہ جات کمیٹی٬ سپورٹس بورڈ ڈی جی اختر نواز گنجیرا کی جانب سے اختیارات کے غلط استعمال اور بلوچستان کے کوٹہ پر غیر متعلقہ افراد کو روز گار دینے پر برہم
پاکستان کرکٹ بورڈ کی جانب سے کئے گئے وعدے پورے نہ کرنے پر برہمی کا اظہار پی سی بی چیئر مین شہریار خان کی عمر 85سال سے بھی تجاویز کر گئی ہے انہیں اب پی سی بی سے ریٹارئمنٹ لے لینی چاہیے٬حکومت پی سی بی چیئرمین کی تعیناتی کیلئے عمر کی حد مقرر کرئے ٬ کرکٹ بورڈ پشاور اور کوئٹہ میں کرکٹ اکیڈمیز لگانے کا وعدہ پورا کرنا ہوگا٬کمیٹی ارکان
جمعہ 21 اکتوبر 2016 16:44
(جاری ہے)
اجلاس کے دوران کمیٹی رکن ڈاکٹر جہانزیب جمالدینی نے کہاکہ پاکستان سپورٹس بورڈ میں بلوچستان کے کوٹہ سے مختص 6فیصد نوکریاں کراچی اور اسلام آباد سے کروائی گئی ہے جس پر ہمیں سخت تحفظات ہیں٬ صوبہ کے لوگوں کو ترقی دینے کی بجائے کسی دوسرے صوبہ سے تعلق رکھنے والے افسر کو پاکستان سپورٹس بورڈ کوئٹہ بھجوادیا گیا اور وہاں کے اہل بلوچوں کو نظر انداز کیا گیا٬ پاکستان سپورٹس بورڈ کے ڈائریکٹر جنرل اختر نواز گنجیرا ایسا کر رہے ہیں ٬ صوبہ پہلے ہی احساس محرومی کا شکار ہے جس پر کمیٹی نے بھی معاملے پر تشویش کا اظہار کیا تو وفاقی وزیر ریاض حسین پیر زادہ نے اعتراف کیا کہ صوبہ کی سیٹوں سے بھرتیاں دوسرے صوبے سے کی گئی ٬ وزارت کے علم میں یہ معاملہ پہلے ہی آ چکا ہے وہ اس معاملے کی تحقیقات کروا کے کمیٹی کو رپورٹ پیش کرینگے ۔
کمیٹی کے چیئرمین عثمان کاکڑ نے کہاکہ سکولوں میں کھیلوں کو بطور مضمون شامل کیا جائے٬ بلوچستان میں فٹ بال کے بے پناہ ٹیلنٹ ہے ٬ اگر تربیت اور اسٹیڈیم فراہم کئے جائیں تو ہمارے کھلاڑی بہت آگے تک جا سکتے ہیں ٬ آج اچھے کھلاڑی بے روز گار ہیں ٬ جس پر وفاقی وزیر ریاض حسین پیر زادہ نے کہاکہ پاک فوج کے علاوہ کوئی اور محکمہ کھلاڑیوں کو روز گار نہیں دیتا٬ پاکستان فٹ بال فیڈریشن کا معاملہ عدالت میں ہے٬ حکومت موجودہ فیڈریشن کو تسلیم نہیں کرتی ٬ فٹ بال فیڈریشن کا جب تک الیکشن نہیں ہوتا تب تک حکومت فٹ بال کی بہتری کیلئے کچھ نہیں کر سکتی ٬تنازعہ کو حل کرنے کیلئے حکومت فیفا کیساتھ رابطے میں ہے٬ موجودہ پاکستان فٹ بال فیڈریشن غیر قانونی ہے٬ جنہیں فیڈریشن دی گئی وہ ڈیلور کرنے میں ناکام رہے جبکہ سینیٹ کے ارکان پر مشتمل کمیٹی کو فیفا سے مذاکرات کیلئے بھجوانے پر غور کر رہے ہیں ۔ اس موقع پر قائمہ کمیٹی نے پاکستان کرکٹ بورڈ کی جانب سے کمیٹی کو کئے گئے وعدہ پورا نہ کئے جانے پر بھی برہمی کا اظہار کیا اور کہاکہ کرکٹ بورڈ کوئٹہ اور پشاور میں کرکٹ اکیڈمیز لگانے کا وعدہ پورا کرنے میں ناکام رہا٬ کمیٹی چیئرمین عثمان کاکڑ نے کہاکہ چیئرمین کرکٹ بورڈ شہریار خان کی عمر 85سال سے بھی تجاویز کر گئی ٬ انہیں اب پی سی بی سے ریٹارئمنٹ لے لینی چاہیے ٬کرکٹ بورڈ کے چیئرمین کی تقرری کیلئے عمر کی حد بھی مقرر ہونی چاہیے جبکہ ملک کے دور افتادہ علاقوں میں کرکٹ کا بہترین ٹیلنٹ موجود ہے ۔مزید اہم خبریں
-
پاکستان ایران تجارتی معاہدوں پر امریکہ کی تنبیہ
-
یوکرین کے لیے 61 بلین ڈالر کی امریکی امداد
-
’میرا بیٹا فوجی تحویل سے غائب ہے، کیا مجھے راتوں کو نیند آتی ہوگی؟‘
-
بہترین حکمت عملی کے بغیر معاشی ترقی و خوشحالی ناممکن ،خوشحالی کیلئے مائیکرو اکنامک استحکام ضروری ہے،سابق نگران وزیر خزانہ شمشاد اختر
-
فوجی عدالتوں میں سویلینز کے ٹرائل کیخلاف لارجر بینچ کیلئے دائر درخواست منظور
-
سوات یونیورسٹی میں خود کو فوجی افسر ظاہر کرنے والا شخص ساتھیوں سمیت گرفتار
-
عمران خان کا جیل سے باہر آنا ڈیل کے تحت ہی ہو سکتا ہے،حامد خان
-
لکی مروت میں شادی کی محفلِ موسیقی میں فائرنگ سے 6 افراد جاں بحق
-
وزیراعظم محمد شہباز شریف ایک روزہ دورے پر کراچی پہنچ گئے
-
وزیراعظم شہباز شریف نے مختلف شعبوں میں نمایاں کارکردگی دکھانے والے نوجوانوں سے مزار قائد پر پاکستان کی خدمت کرنے کا حلف لیا
-
سولر پینل بنانے والوں کو 10 سالہ مراعات دینے کی پالیسی تیار
-
مولانا فضل الرحمان نے ٹاپ گیئر لگایا ہوا ہے، عوام صرف 2 مہینے انتظار کریں، شیخ رشید
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.