ایس ای سی پی کا کارپوریٹ سیکٹر کی آسانی کے لئے م$ثر اقدامات کا اجراء٬عوام کو ایس ای سی پی سے براہ راست رجوع کرنے کی تلقین

اسلام آباد(اُردو پوائنٹ اخبارتازہ ترین - آئی این پی۔ 20 اکتوبر2016ء) سکیورٹیز اینڈ ایکسچینج کمیشن آف پاکستان (ایس ای سی پی) ایک عرصے سے کمپنیوں کو رجسٹریشن میں آسانی فراہم کرنے کے لئے نئے اقدامات کر رہا ہے۔ ایس ای سی پی نے چھوٹی کمپنیوں کی رجسٹریشن فیس اور کم سرمایہ کی حامل کمپنیوں کی فائلنگ فیس میں واضح کمی کی ہے٬ ایس ای سی پی کمپنیوں کو ان کی رجسٹریشن پر کمپنی کی تشکیل کے دستاویزات اور دیگر دستوری گوشواروں کی مصدقہ اصل نقول بلا معاوضہ فراہم کرتاہے۔

تیز ترین رجسٹریشن کے نظام کے تحت انکارپوریشن کا وقت بھی چار گھنٹے سے کم کر کے دو گھنٹے کردیا گیا ہے۔ ایس ای سی پی نے گلگت میں کمپنی رجسٹریشن دفتر اور سیالکوٹ٬ ایبٹ آباد اور گوادر میں سہولتی کا$نٹرز کا آغاز کر کیاپنی رسائی ممکن بنائی ہے۔

(جاری ہے)

آن لائن فنڈز ٹرانسفر اور کریڈٹ کارڈز کے ذریعے فیس کی آن لائن ادائیگی اور نیفت سے آن لائن دیجیٹل دستخطوں کا حصول غیر ملکیوں کو سہولت دینے کے لئے فراہم کئے گئے ہیں۔

کمیشن نے کسی اضافی فیس کے بغیر کمپنی کی اسی دن آن لائن انکارپوریشن کا بھی آغاز کیا ہے جوکہ ایس ای سی پی کی ویب سائٹ پر موجود ہے۔دوسری چیزوں کے علاوہ ویب سائٹ پر 68 سیکٹرز کمپنی کے مختصر دستورموجود ہیں جن کے اختیار کر نے سے پروموٹر آسانی سے کمپنی کی تشکیل کروا سکتے ہیں۔ مندرجہ بالا تمام سہولیاتی اقدامات متعارف کرانے کے باوجود٬ یہ دیکھا گیا ہے کہ پروموٹرز براہ راست کمیشن کو کمپنی کی تشکیل کے لئے درخواست نہیں دیتے جس کے باعث پاکستان میں کاروبار کرنے کا وقت اور اخراجات دونوں میں اضافہ ہو جاتا ہے۔

مزید یہ اندیشہ بھی ہے کہ کمیشن کی جانب سے فراہم کی جانے والی بلا معاوضہ مصدقہ نقول کا بھی غلط استعمال کیا جاتا ہیاورباہر کے نمائندیکمپنیوں کو یہ فراہم کرنے کے پیسے وصول کرتے ہیں۔ایس ای سی پی کی جانب سے درج بالا سہولتوں کا مقصد ہی یہی تھا کہ خاص طور پر کمپنیوں کے ایس ای سی پی کے ساتھ براہ راست رابطے کو فروغ دیا جائے۔چنانچہ عوام الناس سے یہ گزارش کی جاتی ہے کہ وہ کمپنی کی تشکیل اور ای سروسز سے متعلق دیگر معاملات کے ساتھ ساتھ دستاویزات جمع کرانے کے لئے ایس ای سی پی سے براہ راست رجوع کریں۔ ای سروسز ایک اینڈ ٹو اینڈ آن لائن نظام ہے جو ہر وقت دستیاب ہے۔ مزید یہ کہ ایس ای سی پی کی جانب سے بلا معاوضہ مصدقہ نقول کے حصول کے لئے کسی کو ادائیگی نہ کی جائے۔