چین پاکستان اقتصادی راہداری سے خطہ کی ترقی کی دشمن قوتوں کی نیندیں حرام ہو چکی ہیں ٬ ہم سب نے متحد ہوکر دشمنوں کی سازشوں کا ناکام بنانا ہوگا ٬ راہداری کی تکمیل سے جہاں پاکستان میں خوشحالی کا دور دورہ ہوگا ٬ جغرافیائی اہمیت کی بنیاد پر خیبرپختونخواہ٬ جنوبی اضلاع اوع ڈیرہ اسما عیل خان بھی مثالی ترقی کرے گا

جمعیت علمائے اسلام کے سربراہ مولانا فضل الرحمان کا ڈیرہ اسماعیل خان میں تقریب سے خطاب

جمعرات 20 اکتوبر 2016 16:33

ڈیرہ اسما عیل خان(اُردو پوائنٹ اخبارتازہ ترین - آئی این پی۔ 20 اکتوبر2016ء) جمعیت علمائے اسلام کے سربراہ مولانا فضل الرحمان نے کہا ہے کہ چین پاکستان اقتصادی راہداری سے اس خطہ کی ترقی کی دشمن قوتوں کی نیندیں حرام ہو چکی ہیں مگر ہم سب نے متحد ہوکر دشمنوں کی سازشوں کا ناکام بنانا ہوگا ٬ کیونکہ اس راہداری کی تکمیل سے جہاں پاکستان میں خوشحالی کا دور دورہ ہوگا وہیں جغرافیائی اہمیت کی بنیاد پر خیبرپختونخواہ٬ جنوبی اضلاع اوع ڈیرہ اسما عیل خان بھی مثالی ترقی کرے گا۔

(جاری ہے)

وہ مغربی روٹ کے کنڈل یارک سیکشن کے معائنہ اور پنیالہ میں کیمپ آفس کے دورہ کے دوران خطاب کررہے تھے ٬ اس موقع پر نیشنل لاجسٹک سیل کے میجر فرحت عباس نے مولانا فضل الرحمان کو تعمیراتی کام کی رفتار٬ اسکے معیار کے حوالے سے بریفنگ دی٬ ضلع اسمبلی میں اپوزیشن یر لیڈر مولانا عبید الرحمان اور دیگر معززین علاقہ بھی انکے ہمراہ تھے٬ مولانا فضل الرحمان نے کہا کہ چین پاکستان اقتصادی راہداری کی تکمیل اور اس سے تمام صوبوں کو سہولیات کی فراہمی کے معاملہ پر ملک کی سیاسی اور عسکری قیادت متحد ہے ٬ کیونکہ اس عظیم منصوبے سے پاکستان کی ترقی وابسطہ ہے اور جتنی بھی سنجیدہ قوتیں اور سیاسی جماعتیں ہیں وہ روز اول سے اس منصوبہ میں دلچسپی لئے ہوئے ہیں٬ انہوں نے کہا کہ وزیر اعظم پاکستان کی جانب سے ملک کی تمام تر سیاسی قیادت کو یہ یقین دہانی کرائی جا چکی ہے کہ سب سے پہلے مغربی روٹ مکمل ہوگا اور اس روٹ پر تمام تر سہولیات بھی فراہم کی جائیں گی جن میں آپٹیکل فائبر٬ ٹرانسمشن لائن٬ اور اکنامک زون شامل ہیں٬ انہوں نے کہا کہ جنوبی اضلاع میں بھی تین انڈسٹریل زون بنانے کی حکومت کی جانب سے ہمیں یقین دہانی کرائی جا چکی ہے٬ انہوں نے کہا کہ بعض عناصر اپنی ڈوبتی سیاست کو بچانے کے لیئے اس عظیم منصوبہ کے بارے میں غلط فہمیاں پیدا کررہے ہیں مگر ان کی سازشیں کامیاب نہیں ہوگی اور عوام ایسے عناصر کو پہلے ہی مسترد کر چکے ہیں٬ انہوں نے تعمیراتی کام کے حوالے سے این ایل سی کے کردار کوسراہا اور کہا کہ ہمارے عسکری ادارے اس راہداری کے تحفظ اور دیگر امور میں جو کردار ادا کررہے ہیں اس مشن میں پوری پاکستانی قوم اپنے اداروں کی پشت پر موجود ہے٬

متعلقہ عنوان :