کراچی٬ ٹارگٹ کلنگ میں کالعدم تنظیم کے ملوث ہونے کا انکشاف

استعمال ہونیوالا اسلحہ بھی ایک ہی ہے ٬یہی کالعدم تنظیمیں ماضی میں بھی شہر میں دہشت گردی میں ملوث رہی ہیں٬تحقیقاتی حکام

جمعرات 20 اکتوبر 2016 14:20

کراچی(اُردو پوائنٹ اخبارتازہ ترین - این این آئی۔ 20 اکتوبر2016ء) کراچی میں پولیس اہلکاروں اور دیگر افراد کی ٹارگٹ کلنگ میں کالعدم تنظیم کے ملوث ہونے کا انکشاف ہوا ہے۔ تحقیقاتی حکام کے مطابق استعمال ہونے والا اسلحہ بھی ایک ہی ہے۔تحقیقاتی حکام کے مطابق یہی کالعدم تنظیمیں ماضی میں بھی شہر میں دہشت گردی میں ملوث رہی ہیں۔

(جاری ہے)

اسی گروہ نے گزشتہ سال 27نومبر کو عیسی نگری کے قریب نجی ٹی وی کی ڈی ایس این جی پر فائرنگ کر کے سیٹلائٹ انجینئر کو زخمی کیا تھا٬ جبکہ گزشتہ روز گلشن اقبال میں فائرنگ کرنے والا گروہ نیا نہیں ہے۔

گلشن اقبال سے ملنے والے خول اس واقعے کے خول سے میچ کرگئے ہیں۔ حکام کے مطابق ضلع وسطی میں پولیس اہلکاروں کے قتل میں بھی یہی گروہ ملوث ہے۔ ہفتے کو نارتھ ناظم آباد میں پولیس اہلکار اور 25ستمبر کو ٹریفک پولیس کے سب انسپکٹر کو قتل کیا گیا۔