’’ زالیماں ایک چائے پلا دے‘‘…میشا شفیع کو اپنا زالماں مل گیا

بدھ 19 اکتوبر 2016 13:03

کراچی(اُردو پوائنٹ اخبارتازہ ترین - آئی این پی۔ 19 اکتوبر2016ء) پاکستانی اداکارہ و گلوکارہ میشا شفیع بھی ٹویٹر پر چائے والے سے متعلق گفتگو میں کودنے سے خود کو نہ روک سکیں٬ کہتی ہیں زالیماں ایک کپ چائے پلادے۔اسلام آباد کے چائے والے کی تصویر نے سوشل میڈیا پر دھوم مچائی تو پاکستانی لڑکیاں بے اختیار اس کی تعریف کرنے پر مجبور ہوگئیں٬ ایسے میں کئی معروف شخصیات نے بھی اپنے تاثرات کا اظہار کیا٬ اداکارہ و گلوکارہ میشا شفیق بھی خود کو نہ روک پائیں۔

(جاری ہے)

اپنے ٹویٹر پیغام میں انہوں نے ایک تصویر پوسٹ کی جس میں درج ہے زالیماں ایک چائے پلا دے۔واضح رہے کہ اس سے قبل صنم بلوچ٬ ریحام خان اور بھارتی ٹی وی اینکر نکول مہتا سمیت دیگر کئی مشہور شخصیات نے بھی اسلام آباد کے چائے والے ارشد پر تبصرہ کیا ہے