عمران خان سیاسی بلیک میلنگ سے گریز کریں

پیپلزپارٹی کے رہنما سینیٹرسعید غنی کاآصف علی زرداری پر چیئرمین تحریک انصاف کی الزام تراشی پر مذمتی بیان

ہفتہ 15 اکتوبر 2016 18:52

اسلام آباد(اُردو پوائنٹ اخبارتازہ ترین - آئی این پی۔ 15 اکتوبر2016ء) پاکستان پیپلزپارٹی کے رہنما سینیٹرسعید غنی نے عمران خان کی طرف سے پاکستان پیپلزپارٹی پارلیمنٹیرینز کے صدر آصف علی زرداری پر الزام تراشی کی سخت الفاظ میں مذمت کرتے ہوئے انتباہ کیا ہے کہ عمران خان سیاسی بلیک میلنگ سے گریز کریں۔

(جاری ہے)

ہفتہ کو پارٹی کے میڈیا آفس سے جاری ہونے والے ایک بیان میں سینیٹر سعید غنی نے کہا کہ پاکستان پیپلزپارٹی عمران خان کے کسی ایسے ایجنڈا کا حصہ نہیں بنے گی جس سے جمہوریت کو نقصان ہو۔

انہوں نے کہاکہ عمران خان جن اخلاقی بنیادوں پر کھڑے ہیں سب کو پتہ ہے اور قوم جانتی ہے کہ نیازی صاحب کسی خفیہ ایمپائرکی انگلی کے اشارے پر اٹھتے اور بیٹھتے ہیں۔ انہوں نے کہا کہ عمران خان کے دائیں بائیں٬ آگے اور پیچھے ٹیکس چور نظر آتے ہیں جو عمران خان کی اے ٹی ایم مشین بنے ہوئے ہیں۔ سعید غنی نے کہا کہ عمران خان اپنی لڑائی نواز شریف تک ہی محدود رکھے تو بہتر ہے۔