ایف بی آرکی19افسران نے قومی خزانے کو2ارب 11 کروڑ سے زائدکاٹیکہ لگایا ہے ‘1996مقدمات میں ضبط کی گئی اشیاء قومی خزانے میں جمع نہیں کرائی گئیں

آڈیٹر جنرل آف پاکستان کی مالی سال 16-2015 کی جاری آڈٹ رپورٹ میں انکشاف

جمعرات 13 اکتوبر 2016 20:31

اسلام آباد (اُردو پوائنٹ اخبارتازہ ترین - آئی این پی۔ 13 اکتوبر2016ء) آڈیٹر جنرل آف پاکستان سے جاری رپورٹ میں انکشاف کیا گیا ہے کہ ایف بی آرکی19افسران نے قومی خزانے کو2ارب 11 کروڑ سے زائدکاٹیکہ لگایا ہے ‘1996مقدمات میں ضبط کی گئی اشیاء قومی خزانے میں جمع نہیں کرائی گئیں۔آڈیٹر جنرل آف پاکستان نے مالی سال 16-2015 کی آڈٹ رپورٹ جاری کر دی ہے۔ رپورٹ کے مطابق ایف بی آر کے 19 افسران نے قومی خزا نے کو 2 ارب 11 کروڑ سے زائد کا ٹیکہ لگایا ہے۔

(جاری ہے)

افسران نے 1 ہزار 9 سو 96 مقدمات میں ضبط کی گئی اشیاء قومی خزانے میں جمع نہیں کرائیں٬ قواعد کے مطابق ضبط کی گئی اشیاء فوری طورپر جمع کرانی ہوتی ہیں۔رپورٹ کے مطابق نومبر 2015 میں ایف بی آر کو بے قاعدگیوں سے آگاہ بھی کردیا گیا تھا٬ بے قاعدگیوں سے متعلق ایف بی آر نے اپنے موقف میں کہا ہے کہ چند کیسز میں ریکوری کی جا رہی ہے اور دیگر معاملات عدا لت میں ہیں۔ رپورٹ کے مطابق بے قاعدگیاں ایف بی آر کے سینئر حکام کی کمزور نگرانی کے نتیجے میں ہوئیں۔ آڈیٹر جنرل نے اپنی رپورٹ میں ضبط کی گئی اشیاء فوری طور پر جمع کرانے اور خردبرد کے ذمہ داران کا تعین کرنے کی سفارش بھی کی ہے۔…(رانا)