جواہر لال نہرو یونیورسٹی میں طلبا نے مودی کا پتلا نذر آتش کر دیا

یونیورسٹی چانسلر نے نوٹس لے لیا٬ پتلے جلانامعمول٬اجازت لینے کی ضرورت نہیں ہوتی٬حکومت ہٹ دھرم ہے ٬طلبائ

جمعرات 13 اکتوبر 2016 17:17

نئی دہلی (اُردو پوائنٹ اخبارتازہ ترین - این این آئی۔ 13 اکتوبر2016ء) بھارت میں جواہر لال نہرو یونیورسٹی کے طلبہ نے بھارتی وزیراعظم نریندر مودی کا پتلا نظر آتش کر دیا ٬یونیوورسٹی انتظامیہ نے واقعے کا نوٹس لیتے ہوئے تحقیقات شروع کردیں ۔بھارتی ٹی وی کے مطابق جواہر لال نہرو یونیورسٹی کے چار طلبا نے موجود حکومت پر عدم اطمینان کا اظہار کرتے ہوئے نریندر مودی کا پتلا نذ ر آتش کر دیا ۔

(جاری ہے)

طلبا نے ایک ہی پتلے پر کئی سر لگا کر ان پر بی جے پی رہنمائوں کی تصویریں بنا کر نظر آتش کیں جن میں سدھوی پرگیا ٬نتھو رام گودسے اور آسارام باپو شامل ہیں۔اس موقع پر طلباء رہنماء نے بتایاکہ ہم نے پہلے بھی یونیورسٹی کی حدود میں نریندر مودی کے پتلے کو نذر آتش کیا تھا لیکن کچھ بھی نہیں ہوا ٬پتلے نذ رآتش کرنا معمول کی بات ہے ٬اس کے لیے کسی سے اجازت لینے کی ضرورت نہیں ہوتی ۔اس حوالے سے بات کرتے ہوئے یونیورسٹی کے چانسلر نے کہا کہ نریندر مودی کے پتلے کو نذر آتش کرنے کے معاملے کی تحقیقات کررہے ہیں ۔