بہاولپور : یوم عاشور کے اختتام تک امن واما ن ل برقرار رکھنے کیلئے اہم مذہبی و سیاسی شخصیات کو بھر پور سکیورٹی فراہم کی جائے ٬محکمہ داخلہ کی ہدایت

منگل 11 اکتوبر 2016 19:59

ؓبہاول پور (اُردو پوائنٹ اخبارتازہ ترین - آن لائن۔ 11 اکتوبر2016ء) ذرائع کے مطابق یوم عاشور کے اختتام تک امن و امان کی صورتحال برقرار رکھنے ٬ خوشگوار فضاکے قیام ٬ اتحاد و یگانگت کے جذبہ کے فروغ اور فرقہ وارانہ ہم آہنگی کیلئے اہم مذہبی و سیاسی شخصیات کو بھر پور سکیورٹی فراہم کرنے کی ہدایت کی گئی ہے۔

(جاری ہے)

اس ضمن میں محکمہ داخلہ کی جانب سے بہاولپور سمیت تمام ڈویڑنل کمشنرز ٬ ریجنل پولیس آفیسرز٬ رینج ڈی آئی جیز ٬سی پی او٬ ڈی سی اوز اور ڈسٹرکٹ پولیس آفیسر ز کے نام جاری کئے گئے ارجنٹ مراسلہ میں کہا گیا ہے کہ یوم عاشور کے اختتام تک تمام مسالک کے علمائے کرام ٬ مشائخ عظام ٬ مذہبی دانشوروں ٬ ذاکرین اہل بیت اور سیاسی و دینی شخصیات کو بھر پور تحفظ کی فراہمی یقینی بنائی جائے اور شرپسند عناصر کے ساتھ حساس عبادت گاہوں پر بھی کڑی نظر رکھی جائے تاکہ کسی کو بد امنی پھیلانے کا موقع نہ مل سکے٬ چونکہ شر پسند عناصر کی جانب سے کسی بھی جگہ غیر قانونی اقدام کا خدشہ رہتاہے اس لئے سکیورٹی کے نقطہ نظر سے بھر پور اقدامات کی ہدایت کی گئی ہے۔

انہوں نے یوم عاشور تک امن و امان کی صورتحال برقرار رکھنے کیلئے عوام الناس سے بھی ہر ممکن تعاون کی اپیل کی ہے۔