عمران خان کے خلاف اندراج مقدمہ کیلئے سیشن عدالت میں درخوست دائر

پیر 10 اکتوبر 2016 14:01

لاہور۔10 اکتوبر(اُردو پوائنٹ اخبارتازہ ترین - اے پی پی۔ 10 اکتوبر2016ء) اسلام آباد کو بند کرنے کے اعلان پر تحریک انصاف کے سربراہ عمران خان کے خلاف اندراج مقدمہ کیلئے لاہور کی سیشن عدالت سے رجوع کر لیا گیا ۔ عدالت نے پولیس سے ریکارڈ طلب کرلیا ۔

(جاری ہے)

درخواست گذار مزدور رہنما شیخ مظفر نے دائر کی گئی درخواست میں پولیس کی جانب سے عمران خان کے خلاف مقدمہ درج نہ کرنے کے اقدام کو چیلنج کرتے ہوئے کہا ہے کہ اسلام آباد کو بند کرنے کا اعلان کرکے عمران خان نے لوگوں کو بغاوت پر اکسایا ہے جس پر ان کیخلاف اندراج مقدمہ کیلئے پولیس تھانہ سمن آباد کو درخواست دی لیکن پولیس مقدمہ درج نہیں کر رہی۔

درخواست گزار نے استدعا کی کہ عمران خان کے خلاف مقدمہ درج کرنے کا حکم دیا جائے۔عدالت نے ابتدائی سماعت کے بعدپولیس تھانہ سمن آباد سے 15 اکتوبر کو ریکارڈ طلب کر لیا۔