خیبرپختونخوا: رواں برس 262 دہشت گرد گرفتار کئے گئی

پانچ کا تعلق داعش سے ہے٬5 سو کلو گرام سے زائد بارودی مواد پکڑا گیا٬محکمہ انسداد دہشت گردی

پیر 10 اکتوبر 2016 12:20

اسلام آباد(اُردو پوائنٹ اخبارتازہ ترین - آن لائن۔ 10 اکتوبر2016ء) محکمہ انسداد دہشت گردی خیبرپختونخوا نے رواں سال پونے تین سو کے قریب دہشت گردوں کو گرفتارکیا جن سے 5 سو کلو گرام سے زیادہ بارودی مواد برآمد ہوا۔ 5 دہشت گردوں کا تعلق داعش سے بتایا گیا ہے۔ محکمہ انسداد دہشت گردی خیبرپختونخوا کی رپورٹ کے مطابق رواں برس گرفتار ہونے والے 262 دہشت گردوں میں 157 کاتعلق کالعدم تنظیموں سے ہے۔

(جاری ہے)

رپورٹ کے مطابق گرفتار دہشت گردوں میں سے 98 کالعدم تحریک طالبان٬ 9 کالعدم لشکر اسلام اور 5 داعش کے دہشت گرد ہیں٬ 27 دہشت گردوں کے سر کی قیمت آٹھ سو بیس ملین روپے مقرر تھی۔رپورٹ میں یہ بھی بتایا گیا ہے کہ گرفتار دہشت گردوں سی504 کلو گرام بارودی مواد٬ 9 خودکش جیکٹس٬ 96 دستی بم٬ 20 کھلونا بم اور دیگر دھماکہ خیزمواد برآمد ہوا۔رپورٹ کے مطابق 35 دہشت گرد مختلف مقابلوں میں مارے گئے۔ 18 دہشت گردوں کوانسداد دہشت گردی عدالتوں سے سزائیں دلوائی گئیں۔ گرفتار دہشت گردوں سے 14 بوگس شناختی کارڈز اور لاکھوں روپے مالیت کی ملکی و غیر ملکی کرنسی بھی برآمد ہوئی۔رواں سال 17 ٹارگٹ کلرز٬17 بھتہ خور اور 11 اغوائ کاروں کو بھی قانون کی گرفت میں لایا گیا۔