Live Updates

عمران خان کے آصف زرداری کیخلاف متنازع بیان کے بعد دونوں جماعتوں کے، گرما گرم بیانات کا تبادلہ اور لفظی جنگ شروع ،، توپوں کا رخ مسلم لیگ (ن ) سے ہٹا کر ایک دوسرے کی طرف کردیا

مراد سعید نے آصف زرداری کو پاگل قرار دیدیا ‘ پیپلزپارٹی کے رہنما صابر بلوچ کو دوران ٹی وی پروگرام بار بار دھمکیاں

جمعرات 6 اکتوبر 2016 22:07

عمران خان کے آصف زرداری کیخلاف متنازع بیان کے بعد دونوں جماعتوں کے، ..

اسلام آباد(اُردو پوائنٹ تازہ ترین اخبار۔ 6 اکتوبر- 2016ء) تحریک انصاف کے چیئرمین عمران خان کے آصف زرداری کے خلاف متنازع بیان کے بعد دونوں پارٹیز کے رہنماؤں کے درمیان گرما گرم بیانات کاتبادلہ اور لفظی جنگ شروع ہو گئی ، توپوں کا رخ مسلم لیگ (ن ) سے ہٹا کر ایک دوسرے کی طرف کردیا ،پی ٹی آئی کے رکن قومی اسمبلی مراد سعید نے آصف زرداری کو پاگل قرار دے دیا جبکہ پیپلزپارٹی کے رہنما اور سابق ڈپٹی چیئرمین سینیٹ صابر بلوچ تو پروگرام کے دوران بار بار دھمکی دیتے رہے کہ وہ ان کے سامنے ہوتو وہ ان کو نہیں چھوڑتے ۔

پیپلزپارٹی کے رہنما صابر بلوچ نے کہا کہ پارلیمنٹ میں ایک دوسرے پر الزامات لگتے رہتے ہیں مگر عمران خان کو کوئی حق نہیں پہنچتا کہ وہ کسی پارٹی کے لیڈر کے بارے میں ایسی بات کریں ۔

(جاری ہے)

وہ جمعرات کو نجی ٹی وی پروگرام میں گفتگو کررہے تھے ۔گفتگو میں مراد سعید نے کہا کہ آصف زرداری ڈکلیئرپاگل ہے اور اس کے پاگل ہونے کا سرٹیفکیٹ بھی موجود ہے ۔

پاکستان مین جب کرپشن کی بات ہوتی ہے تو آصف زرداری کا نام اپنے آپ لوگوں کی زبان پر آجاتا ہے ۔انہوں نے کہا کہ پیپلزپارٹی والے چور، قاتل اور لٹیرے ہیں ،یہ کرپشن کے خلاف بات نہیں کرسکتے۔مراد سعید پروگرام میں پیپلزپارٹی کے رہنما کو مبینہ طور پر بار بار دھمکیاں دیتے رہے کہ اگر صابر بلوچ ان کے سامنے ہوتے تو وہ ان کو نہیں چھوڑتے ۔ پروگرام میں صابر بلوچ نے کہا کہ پارلیمنٹ میں ایک دوسرے پر الزامات لگتے رہتے ہیں مگر عمران خان کو اس طرح کسی پارٹی کے لیڈر کے بارے میں بات نہیں کرنی چاہیے تھی ۔

عمران خان کو کچھ پتہ نہیں ہے کہ کس وقت کیا بات کرنی چاہیے ۔ وہ ایک پاگل آدمی ہے اس کی پارٹی کے سینئر افراد کو انہیں سمجھانا چاہیے تھا کہ کسی پارٹی کے لیڈر کے خلاف بات نہیں کرنی چاہیے ۔

Live عمران خان سے متعلق تازہ ترین معلومات