ماروی میمن نے بے نظیر انکم سپورٹ پروگرام کی سالانہ کارکردگی رپورٹ صدر مملکت کو پیش کردی
ضرورت مند افراد کی بہتری اور ان کی معاشی حالت بہتر کرنے کیلئے بینظیرانکم سپورٹ پروگرام اہم کردار ادا کررہا ہے ، پاکستان کی عورتوں کے حالات اور ان کو معاشرے میں جائز مقام دلانے کیلئے بی آئی ایس پی جیسے پروگراموں کی ضرورت ہے،ممنون حسین کی چیئرپرسن بی آئی ایس پی سے ملاقات میں گفتگو
جمعرات 6 اکتوبر 2016 18:59
اسلام آباد(اُردو پوائنٹ تازہ ترین اخبار۔ 6 اکتوبر- 2016ء) صدر مملکت ممنون حسین نے کہا ہے کہ ضرورت مند افراد کی بہتری اور ان کی معاشی حالت بہتر کرنے کے لیے بینظیرانکم سپورٹ پروگرام اہم کردار ادا کررہا ہے ، پاکستان کی عورتوں کے حالات اور ان کو معاشرے میں جائز مقام دلانے کے لیے بی آئی ایس پی جیسے پروگراموں کی ضرورت ہے۔ وہ جمعرات کو ایوان صدر میں بے نظیر انکم سپورٹ پروگرام کی چیئرپرسن ماروی میمن سے ملاقات میں گفتگو کررہے تھے ۔
چیئرپرسن نے اپنے ادارے کی سالانہ کارکردگی کی رپورٹ صدر مملکت کو بھی پیش کی اور ادارے کی کارکردگی کے متعلق آگاہ کیا۔صدر مملکت نے اطمینان کا اظہار کیا کہ گزشتہ تین سالوں سے حکومت بے نظیر انکم سپورٹ پروگرام پر خاص توجہ دے رہی ہے اور اس کے معیار کو مزید بہتر بنانے کی کوشش کر رہی ہے۔(جاری ہے)
صدر مملکت نیکہا کہ بے نظیر انکم سپورٹ پروگرام کاوسیلہ تعلیم پروگرام جوپرائمری بچوں کی تعلیم کے فروغ کے لیے ضرورت مند خاندانوں کی مالی امداد کی صورت میں ہے، ایک احسن اقدام ہے۔
اس سے اسکولوں میں بچوں کے پڑھنے کی تعداد میں اضافہ ہو گا۔ صدر مملکت نے اطمینان کا اظہار کیا کہ بے نظیر انکم سپورٹ پروگرام اپنے ادارے میں شفافیت لانے کی طرف بھر پور توجہ دے رہا ہے اور اس کے لیے وہ تمام اسٹیک ہولڈرز سے رابطے میں رہتا ہے۔ انھوں نے کہا کہ بی آئی ایس پی جنوبی ایشیاکا سب سے بڑا سماجی ویلفیئر کا ادارہ ہے جو لاکھوں پاکستانیوں کی زندگیوں میں تبدیلی لانے کی طرف کوشاں ہے۔ صدر مملکت نے بے نظیر انکم سپورٹ پروگرام کی انتظامیہ ، ملازمین اور قیادت کے لیے نیک خواہشات کا اظہار کیا اور امید ظاہر کی کہ ان کی کوششوں کی وجہ سے یہ پروگرام غریب افراد کی بہتری کے لئے مزید موثر ثابت ہو گا۔اس موقع پر چیئر پرسن بے نظیر انکم سپورٹ پروگرام ماروی میمن نے کہاکہ ان کا ادارہ 53 لاکھ سے زائد خاندانوں کو سہ ماہی وظائف فراہم کرتا ہے اور اس کے لیے اے ڈی پی، ڈی آئی ایف ڈی ، ورلڈبینک کے تحت کام کرنے والے اداروں کی مدد لی جاتی ہے۔ ماروی میمن نے بتایا کہ حکومت نے سہ ماہی وظیفہ تین ہزار سے بڑھا کر چار ہزار آٹھ سو چونتیس روپے کر دیا ہے اور اس کا بجٹ 2016-17 میں ایک سو پندرہ بلین روپے کر دیا ہے۔ بی آئی ایس پی نے ادائیگیوں کے لئے بائیومیٹرک تصدیق کا نظام (بی وی ایس ) شروع کیا ہے جو جلد پورے ملک تک بڑھا دیا جائے گا۔ ماروی میمن نے مزید بتایا کہ قومی سماجی و اقتصادی رجسٹری سروے جون 2016 میں شروع کیا گیا تھا جو مارچ 2017 میں مکمل ہو جائے گا۔متعلقہ عنوان :
مزید اہم خبریں
-
8 فروری کو ن لیگ پنجاب میں زیادہ سے زیادہ صرف 40 نشستیں جیتی
-
ٰآئی ایم ایف کے نئے پروگرام کیلئے اسٹاف لیول معاہدہ جولائی میں ہونے کا امکان ہے، محمد اورنگزیب
-
نان بائی ویلفیئرایسوسی ایشن نے روٹی، نان کے سرکاری نرخ کو چیلنج کردیا
-
جنرل ر قمر باجوہ نے نوازشریف کو باہر میں بھیجنے میں سہولتکاری کی تھی
-
8 فروری کے عام انتخابات کے بعد جو فارم 47 خلافِ قانون کئی روز تک جاری نہ ہوئے انکا ضمنی انتخاب کے چند گھنٹے بعد جاری ہونا نہایت حیرت انگیز ہے،پی ٹی آئی
-
ایران کے صدر کی کراچی آمد،گورنر اور وزیراعلی سندھ نے پرتپاک استقبال کیا
-
ڈیجیٹل انسانی ترقی کے انڈکس میں پاکستان 193 ممالک میں 164 ویں نمبر پر آگیا
-
معیاری تعلیم کا فروغ ہماری حکومت کی اولین ترجیح ہے، بھرپور کوشش ہے کوئی بھی بچہ اسکول سے باہر نہ ہو ، وزیراعظم
-
معیاری تعلیم کا فروغ ہماری حکومت کی اولین ترجیح ہے،ہماری بھرپور کوشش ہے کہ کوئی بھی بچہ سکول سے باہر نہ ہو ، وزیراعظم محمد شہباز شریف کی برطانیہ کی معروف جامعات کے نمائندہ وفد سے گفتگو
-
اسٹیٹ بینک آف پاکستان کی جانب سے صارفین کے اعتماد کے اعشاریے جاری کر دیئے گئے
-
پی ٹی آئی نے ضمنی انتخاب کے چند گھنٹے بعد فارم 47 کا جاری ہونا حیرت انگیز قرار دے دیا
-
وزیرخارجہ اسحاق ڈارنے دائرکردہ درخواست میں بائیومیٹرک تصدیق کرادی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.