سعودی عرب حلب کے 150 شامی بچوں کا علاج کرائے گا

جمعرات 6 اکتوبر 2016 16:09

ریاض(اُردو پوائنٹ اخبارتازہ ترین - آئی این پی۔۔06 اکتوبر۔2016ء) سعودی عرب نے حلب کے 150 شامی بچوں کا علاج کرا نے کا اعلان کردیا۔غیر ملکی میڈیا کے مطابق سعودی عرب نے شام کے شہر حلب میں زخمی بچوں کو نکالنے کے لیے "یو ایس سیریئن میڈیکل سوسائٹی" کے تعاون سے لازمی اقدامات کرے گا۔

(جاری ہے)

اعلان کے مطابق سعودی عرب ان بچوں کو جن کی تعداد 150 ہے ترکی میں سرحدی ہسپتالوں میں علاج کی فراہمی کو یقینی بنائے گا اور ضرورت پڑنے پر بچوں کو مملکت کے اندر مناسب ہسپتالوں میں منتقل بھی کیا جائے گا۔

علاوہ ازیں سعودی عرب نے حلب اور اس کے پڑوسی علاقوں میں ہسپتالوں میں مطلوب سینے کے ایکس رے کی مشینیں فراہم کرنے کی بھی ذمہ داری لی ہے۔ان تمام امور کا اعلان نیویارک میں اقوام متحدہ کے لیے سعودی عرب کے مستقل وفد کی جانب سے جاری ایک بیان میں کیا گیا۔

Facebook Twitter Google + Share on Whatsapp

سعودی عرب حلب کے 150 شامی بچوں کا علاج کرائے گا

متعلقہ عنوان :

مزید بین الاقوامی خبریں