ایرانی سرمایہ کاروں نے بھی بھارت سے منہ موڑنا شروع کر دیا

پاکستان میں ہونیوالی معاشی ترقی دیکھ کر ایرانی بینک کی جانب سے اپنی برانچ کھولنے کی خواہش کا اظہار

بدھ 5 اکتوبر 2016 17:27

کراچی(اُردو پوائنٹ تازہ ترین اخبار۔ 5 اکتوبر- 2016ء) ایرانی سرمایا کاروں نے بھارت سے منہ پھیر کر پاکستان کا رخ کرنا شروع کردیاہے ، پاکستان میں جاری معاشی ترقی کو دیکھتے ہوئے ایرانی بینک نے پاکستان میں برانچ کھولنے میں دلچسپی ظاہر کردی ہے ۔ پاکستان کو تنہا کرنے کا خواب دیکھنے والا بھارت خود تنہا ہوتا چلا جا رہا ہے ، نوبت اب یہاں تک آچکی ہے کہ بھارت دوست بھی اس کا ساتھ چھوڑ رہے ہیں ۔

(جاری ہے)

پاک چین اقتصادی راہداری منصوبے سے ایران مسلسل پاکستان کے ساتھ تعلقات بہتر کرنے کی کوشش کر رہا ہے ، ایرانی سرمایہ کاروں نے بھارت سے منہ پھیر کر پاکستان کا رخ کرلیا ہے ۔ ذرائع کے مطابق ایرانی بینک نے پاکستان میں برانچ کھولنے میں دلچسپی ظاہر کر دی ہے ۔ اس حوالے سے ایرانی بینک جلد ہی سٹیٹ بینک آف پاکستان کو درخواست جمع کرائے گا ۔ ذرائع کا یہ بھی کہنا ہے کہ ایرانی بینک اپنی برانچ کراچی میں کھولنے کا ارادہ رکھتا ہے ۔ ماہرین کے مطابق پاک ایران تعلقات میں بہتری سے باہمی تجارت کا حجم 2 ارب ڈالر تک پہنچ جانے کا امکان ہے ۔