سوشل میڈیا لوگوں کو سست بنا رہا ہے‘ایشوریا رائے

بدھ 5 اکتوبر 2016 11:54

ممبئی(اُردو پوائنٹ اخبارتازہ ترین - این این آئی۔05 اکتوبر۔2016ء) سابق ملکہ حسن ایشوریا رائے کا کہنا ہے کہ سوشل میڈیا لوگوں کو سست بنا رہا ہے اسی لیے وہ سوشل میڈیا استعمال کرنا پسند نہیں کرتیں۔ممبئی میں صفائی کی آگہی سے متعلق ایک تقریب میں ایشوریا نے اپنے سوشل میڈیا کم استعمال کرنے کی وجہ بتا دی۔ ان کا کہنا تھا کہ سوشل میڈیا لوگوں کو سست بنا رہا ہے جس کے باعث لوگ اپنے کئی ضروری کام انجام نہیں دے پاتے۔

ایشوریا رائے خود بھی سوشل میڈیا کا نہایت کم استعمال کرتی ہیں۔

(جاری ہے)

ان کا کہنا تھا کہ لوگوں کے پاس ایک دوسرے سے بات کرنے کے لیے وقت ہی نہیں ہے کیونکہ وہ اپنے موبائل فون میں بے حد مصروف ہوتے ہیں۔انہوں نے کہاکہ میں سمجھتی ہوں موبائل فون کا استعمال ہماری اخلاقیات پر بھی منفی اثر ڈال رہا ہے۔ ہمارے سامنے اگر فرش پر کوئی ٹشو پیپر پڑا ہوگا تو ہم کبھی اسے اٹھا کر کوڑا دان میں نہیں ڈالیں گے کیونکہ ہمیں اپنے موبائل فون سے فرصت ہی نہیں ملے گی۔ایشوریا رائے آج کل اپنی فلم ’اے دل ہے مشکل‘ کی پرمووشن میں مصروف ہیں جو 28 اکتوبر کو ریلیز ہونے جارہی ہے۔ فلم میں ایشوریا رائے نے شاعرہ کا کردار ادا کیا ہے۔

Facebook Twitter Google + Share on Whatsapp

سوشل میڈیا لوگوں کو سست بنا رہا ہے‘ایشوریا رائے

متعلقہ عنوان :

مزید فن و فنکار کی خبریں