بھارت نے پاک فوج کو آپریشن سے متعلق آگاہ کیا ، مزید آپریشن کا کوئی ارادہ نہیں۔ بھارتی ڈی جی ایم او

سمیرا فقیرحسین جمعرات 29 ستمبر 2016 11:59

ممبئی (اُردو پوائنٹ تازہ ترین اخبار۔29 ستمبر 2016ء) : پاکستان اور بھارت کے مابین لائن آف کنٹرول کے مختلف سیکٹرز پر بھارت کی جانب سے گذشتہ رات فائرنگ کا سلسلہ شروع ہوا جو صبح 8 بجے تک جاری رہا۔ بھارتی میڈیا کے مطابق بھارتی ڈی جی ایم او (ڈائریکٹر جنرل ملٹری آپریشنز) کا کہنا ہے کہ بھارت نے لائن آف کنٹرول پر سرجیکل اسٹرائیکس کیے۔ انہوں نے کہا کہ بھارت نے اپنے سرجیکل اسٹرائیکس مکمل کر لیے ہیں ، انہوں نے دعویٰ کیا کہ پاک فوج کو آپریشن سے متعلق آگاہ کیا گیا ۔

بھارتی ڈی جی ایم او کا کہنا ہے کہ ہم دہشتگردوں کو سرحد پار سے کارروائیاں کرنے کی اجازت نہیں دے سکتے۔ دہشتگردوں کی دراندازی میں اضافہ ہوا جس کے پیش نظر بھارتی فوج کی جانب سے سرجیکل اسٹرائیکس آپریشن کیا گیا۔

(جاری ہے)

بھارتی ڈی جی ایم او کا کہنا ہے کہ مزید آپریشن کا کوئی ارادہ نہیں، ڈی جی ایم او پاکستان سے رابطہ کر کے انہیں بھی رات گئے سرجیکل اسٹرائیکس سے متعلق آگاہ کر دیا ہے ۔

واضح رہے کہ بھارت ایل او سی پر کی گئی اپنی اس شر انگیزی کو سرجیکل اسٹرائیکس کا نام دے رہا ہے جبکہ خیال رہے کہ بھارتی میڈیا نے دعویٰ بھی کیا ہے کہ بھارتی حکومت نے پاکستان کے ساتھ ایل او سی پر فائر بندی کا معاہدہ ختم کر دیا ہے۔

We can't allow terrorists to operate across the LoC, there has been a surge in infiltration, says DGMO, Indian Army
— Times of India (@timesofindia) September 29, 2016

Indian Army conducted surgical strikes on terror launch pads on the LoC, significant casualties have been caused: DGMO
— ANI (@ANI_news) September 29, 2016