یکم اکتوبر سے پشاور میں شروع ہونیوالے آل چیلنج کپ فٹبال ٹورنامنٹ کی تیاریاں مکمل
بدھ 28 ستمبر 2016 21:08
پشاور(اُردو پوائنٹ تازہ ترین اخبار۔ 28 ستمبر - 2016ء) یکم اکتوبر سے پشاور میں شروع ہونیوالے آل چیلنج کپ فٹبال ٹورنامنٹ کے لئے تیاریاں مکمل کر لی گئی ہیں ‘خیبرپختونخوا فٹبال ایسوسی ایشن کے صدر سید ظاہر علی شاہ نے کہا ہے کہ 30 سال کے بعد ملک بھر سے ٹیمیں یکم اکتوبر سے پشاور میں شروع ہونیوالے آل پاکستان چیلنج کپ فٹبال ٹورنامنٹ میں شرکت کے لئے پشاور آ رہی ہیں یہ مقابلے پشاور کے قیوم سپورٹس کمپلیکس میں منعقد کئے جارہے ہیں وہ گزشتہ روز آرگنائزنگ کمیٹی کے اجلاس کے بعد میڈیا سے بات چیت کررہے تھے ‘اجلاس میں قومی ٹیم کے سابق کپتان راجہ عبدالباسط کمال ‘سیکرٹری جنرل اے آئی پی ایس امجد عزیز ملک ‘صدر کے پی سپورٹس رائٹرز ایسوسی ایشن جہانزیب صدیق‘سابق انٹرنیشنل فٹبالرز زاہد الخیر ‘قاضی محمد آصف‘غفور اعجاز‘حزب اللہ خان ‘محب اللہ خان‘ غفار خان ‘صغیر احمدبھی موجود تھے‘ انہوں نے کہا کہ پشاور کے عوام کو بیس روزہ مقابلوں سے لطف اندوز ہونے کے بھرپور مواقع ملیں گے ‘ایک سوال کے جواب میں انہوں نے کہا کہ خیبرپختونخوا فٹبال ایسوسی ایشن ایونٹ پر دو ملین روپے خرچ کررہی ہے جس میں کھلاڑیوں اور آفیشلز کو تمام بہترین سہولتیں فراہم کی جائیں گی ‘انہوں نے کہا رکہ اجلاس میں ٹورنامنٹ کے دوران انٹرنیشنل فٹبالرز کو دعوت دینے کا فیصلہ کیا گیا تا کہ وہ بھی پشاور میںآ کرٹاپ ٹیموں کو ایکشن میں دیکھ سکیں‘انہوں نے بتایا کہ ٹیموں میں پی ٹی وی ‘پی آئی اے ‘کے ای ایس سی ‘اسلام آباد‘پنجاب ‘کے آر ایل ‘پولیس‘فاٹا ‘پی اے ایف ‘ کے الیکٹرک اورخیبرپختونخوا شامل ہیں ان ٹیموں کو چار مختلف گروپوں میں تقسیم کیا گیا ہے ‘انہوں نے کہا کہ خیبر پختونخوا فٹبال ایسوسی ایشن ‘پاکستان فٹبال فیڈریشن اور ڈائریکٹوریٹ آف سپورٹس کے اشتراک سے مقابلوں کا انعقاد کررہی ہے ‘ٹیکنیکل اور امپائرنگ کمیٹی ملک ہدایت اور قاضی آصف کی سربراہی میں تشکیل دی گئی ہے ‘ٹیکنیکل کمیٹی میں زاہد الخیر‘شاکر اللہ ‘احمد لالہ جبکہ امپائرنگ کمیٹی میں انور خان‘ امتیاز علی ‘اکرام اللہ اور عابد خان شامل ہیں جبکہ ملک ہدایت اللہ اور قاضی آصف نگرانی کریں گے۔
مزید کھیلوں کی خبریں
-
پاکستان نیوزی لینڈ کی کمزور ٹیم کیخلاف بھی سیریز نہ جیت سکا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
بسمہ معروف کا کرکٹ سے فوری ریٹائرمنٹ کا اعلان
-
پاکستان باولر کا اچھا کم بیک، کیوی بلے باز تگڑا ہدف دینے میں ناکام ہو گئے
-
سیریز جیتنے کا آخری موقع، کیویز کیخلاف چوتھے میچ کیلئے قومی ٹیم میں 5 تبدیلیاں کر دی گئیں
-
محسن نقوی سے نیوزی لینڈ کرکٹ کے چیف ایگزیکٹو آفیسر سکاٹ وئینک کی ملاقات
-
ٹی ٹونٹی ورلڈ کپ 2024ء کی ٹرافی پاکستان کے تین شہروں کا دورہ کرے گی
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
سابق زمبابوین کرکٹر گائے وٹل چیتے کے حملے میں زخمی ہوگئے
-
آفریدیوں کو سمجھانا بہت مشکل کام ، شاہین کو اسی لیے نہیں سمجھا پاتا کہ وہ بھی آفریدی ہے : شاہد آفریدی
-
ہنزہ سے تعلق رکھنے والی 8 سالہ علیہہ شاہ اپنے شاندار باؤلنگ ایکشن کیلئے وائرل
-
شیشاپنگما سرکرنے کیلئے پاکستانی کوہ پیماں کا انتظار طویل ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.