جلو وائلڈلائف پارک کو سٹیٹ آف دی آرٹ بنانے کے منصوبے پر عملدرآمد شروع
جلو پارک کا رقبہ43ایکڑ سے بڑھا کر 86ایکڑ کیا جارہا ہے ،تشکیل نو پر 350ملین روپے خرچ ہونگے ‘خالد عیاض خان جلو وائلڈ لائف پارک میں شیر سفاری ، ٹائیگرز سفاری ،ہرن سفاری ، بندر گھر اور چمپینزی گھر بنائے جائینگے ڈی جی جنگلی حیات و پارکس
پیر 26 ستمبر 2016 16:56
لاہور(اُردو پوائنٹ اخبارتازہ ترین - این این آئی۔26 ستمبر۔2016ء ) جلو وائلڈلائف پارک کو جدید خطوط پر استوار کرنے اور اسے اسٹیٹ آف دی آرٹ پارک بنانے کے منصوبے پر عملدرآمد شروع کردیا گیا ہے ، پہلے مرحلے میں تمام سہولیات سے لیس جدید بریڈنگ سنٹر کے قیام کیلئے 40ملین روپے کا اجراکیا جا چکا ہے ۔جس پر جلد کام شروع کردیا جائیگا۔ان خیالات کا اظہار ڈائریکٹر جنرل جنگلی حیات و پارکس پنجاب خالد عیاض خان نے ملاقات کیلئے آئے ہوئے ذرائع ابلاغ کے نمائندگان سے گفتگو کرتے ہوئے کیا ۔
انہوں نے کہا کہ1981ء میں 43ایکڑ رقبہ پر قائم کئے جانیوالے جلووائلڈ لائف پارک کو جدید تقاضوں اور سیاحوں خصوصاً بچوں کی دلچسپی کیلئے نئے سرے سے تیار کرنے اور ڈرائیوان زوکے قیام کیلئے 350ملین روپے خرچ کئے جا رہے ہیں اور اس کا رقبہ 43ایکڑ سے بڑھا کر86ایکڑ کیا جارہا ہے ۔(جاری ہے)
خالد عیاض خان نے کہا کہ جلو وائلڈ لائف پارک کو جدید تقاضوں سے ہم آہنگ کرنے کیلئے محکمہ منصوبہ بندی و ترقیات نے پی سی ون کی منظوری دے دی ہے جبکہ محکمانہ ترقیاتی کمیٹی کی سفارشات کی روشنی میں اس منصوبے پر کام کا آغاز کردیا جائے گا ۔
انہوں نے کہا کہ جلو وائلڈلائف پارک میں پہلے سے موجود بریڈنگ سنٹر میں جانوروں اور پرندوں کی کامیاب افزائش نسل جاری ہے اور یہاں افزائش پانے والے پرندوں اور جانوروں کو صوبہ کے دیگر پارکس اور چڑیا گھروں میں منتقل کیاجارہا ہے ۔انہوں نے کہا کہ سال 2015-16کے دوران جلو وائلڈ لائف پارک کو 26لاکھ 66ہزار روپے کی آمدن ہوئی ہے ۔ انہوں نے کہاکہ نئے منصوبے کے تحت سٹیٹ آف دی آرٹ بریڈنگ سنٹر کے قیام سے جانوروں اور پرندوں کی نسل کی افزائش زیادہ بہتر اور زیادہ تعداد میں ہونا ممکن ہو سکے گا اور ان کی فروخت سے زیادہ آمدن مل سکے گی۔ڈی جی جنگلی حیات نے کہا کہ نئے منصوبے کے تحت پہلے سے موجود عجائب گھر کا رقبہ بڑھا دیا جائے گا اور زیادہ تعداد میں حنوط کردہ جانور اور پرندے رکھے جائیں گے تاکہ بچوں کی دلچسپی اور معلومات میں اضافہ ممکن بنایا جا سکے ۔انہوں نے کہا کہ جلو وائلڈ لائف پارک میں شیر سفاری ، ٹائیگرز سفاری ،ہرن سفاری ، بندر گھر اور چمپینزی گھر بنائے جائیں گے ۔ انہوں نے کہا کہ جلو وائلڈ لائف پارک میں سیاحوں کو ہر وہ جانور اور پرند ہ دیکھنے کو ملے گا جو لاہور چڑیا گھر میں موجود ہے ۔مزید اہم خبریں
-
پاکستان اوربرطانیہ کے مابین تجارتی اوراقتصادی تعلقات مزید مضبوط بنانے کی ضرورت ہے، صدرمملکت
-
ملک کو درپیش تمام چیلنجز سے نمٹنے کے لیے مضبوط معیشت کلیدی حیثیت رکھتی ہے، وزیر اعظم محمد شہباز شریف
-
اسلام آباد سمیت مختلف علاقوں میں زلزلے کے شدید جھٹکے
-
سعودی عرب میں تعینات پاکستانی سفیر نے سعودی ولی عہد کو سفارتی اسناد پیش کردیں
-
خواجہ سلمان رفیق کی پی آئی سی کے آپریشن تھیٹرز 10 اپریل تک مکمل کرنے کی ہدایت
-
ڈیجیٹل منتقلی کے ذریعے ملک ترقی کی راہ پر گامزن ہو سکتا ہے، وزیر مملکت برائے آئی ٹی شزہ فاطمہ خواجہ
-
پرویزالٰہی کو گزشتہ رات پسلیوں میں درد کی شکایت
-
پاکستان اور چین شانگلہ حملے کی تحقیقات سے متعلق رابطے میں ہیں، دفترخارجہ
-
خیبرپختونخواہ میں سینیٹ الیکشن مخصوص نشستوں پر حلف سے مشروط
-
وزیراعظم سے ملاقات کے بعد چیف جسٹس نے فل کورٹ کااجلاس دوبارہ طلب کرلیا
-
غزہ کے عوام پر اسرائیل کی مسلط کردہ جنگ بلا روک ٹوک جاری ، فلسطینی عوام کو بھوک اور نسل کشی کا سامنا ہے، ترجمان دفترخارجہ
-
پنجاب اسمبلی اجلاس ،اپوزیشن کے شورشرابے میں مالی سال 2023-24ءکے بجٹ کی منظوری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.