وزیر اعظم نوازشریف کو خطاب میں بلوچستان میں بھارتی مداخلت اور کلبھوشن کی گرفتاری کا ذکر بھی کرنا چاہے تھا، عالمی دنیا کشمیر کا مستقل حل نکانے کیلئے کرفیو کا خاتمہ ، طبی امداد کی فراہمی اورکشمیری رہنماؤں کی نظر بندی کو ختم کروائے، پاکستان میں ہونیوالی دہشت گردی کو بھارت سپانسر کر رہا ہے
امیر جماعت اسلامی پنجاب میاں مقصود احمد کا بیان
جمعرات 22 ستمبر 2016 19:52
لاہور (اُردو پوائنٹ اخبارتازہ ترین - آئی این پی۔22ستمبر ۔2016ء) امیر جماعت اسلامی پنجاب میاں مقصود احمد نے اقوام متحدہ کی جنرل اسمبلی سے وزیر اعظم میا ں محمد نواز شریف کے خطاب پر تبصرہ کرتے ہوئے کہا کہ جنوبی ایشیا میں مسئلہ کشمیر حل کیے بغیر امن ممکن نہیں۔ بھارت مقبوضہ کشمیر میں مسلسل انسانی حقوق کی خلاف ورزی کر رہا ہے۔ وزیر اعظم کے خطا ب میں کشمیر کا تذکرہ خوش آئندہے مگربلوچستان میں بھارتی مداخلت کا ذکر نہ کرنے سے قوم کو مایوسی ہوئی ہے ۔
وزیر اعظم کے پاس ایک اچھا موقع تھا کہ وہ اقوام متحدہ کے پلیٹ فارم پر بھارت کا گھناؤ نا چہرہ بے نقاب کرتے ، انہوں نے کہا کہ مسئلہ کشمیر امن کی راہ میں سے بڑی رکاوٹ ہے۔آٹھ لاکھ بھارتی افواج کے مظالم کشمیریوں کو حق خود اداریت سے محروم نہیں رکھ سکتے ۔(جاری ہے)
برھان مظفر وانی کی شہادت کے بعد سے تحریک آزادی میں تیزی آچکی ہے ۔ کرفیو کا خاتمہ، طبی امداد کی فراہمی اورکشمیری رہنماوں کی نظر بندی کوختم کیا جائے ۔
انھوں نے کہا کہ بانکی مون کی طرف سے جنرل اسمبلی میں تقرر کے دوران کشمیرکا تذکرہ نہ کرنا افسوسناک امر ہے۔ عالمی دنیا بھارت کو پرتشدد کاروائیوں سے روکے۔ انسانی حقوق کی علمبردار تنظیمیں، ممالک اوراقوام متحدہ کشمیر میں نہتے مسلمانوں کے قتل عام پر خاموش تماشائی بنے بیٹھے ہیں ۔اب وقت آگیا ہے کہ مسئلہ کشمیر کے حوالے سے دنیا اپنے وعدے پورے کرے ۔ ہندوستان نے کشمیر کو عملا َجیل بنادیا ہے ۔ روزانہ اوسطا َ 50افراد گرفتار کیے جارہے ہیں۔ میاں مقصود احمد نے کہا کہ اڑی سیکٹر پر ہونے والے حملے پر خود ہندوستانی تحقیقاتی ایجنسی اس بات کا اعتراف کر رہی ہے کہ ملنے والے ہتھیاروں اوردیگر اشیاء پر پاکستانی ہونے کا کوئی ثبوت نہیں ۔ مودی سرکار اوربھارت کا متعصبانہ میڈیا جنوبی ایشامیں جنگ کا ماحول پیدا کر رہا ہے ۔ اڑی حملہ کشمیریوں پر مزید مظالم ڈھانے کے لئے ہندوستان نے خود کیاہے ۔ انھوں نے کہا کہ امریکی ایوان نمایندگان میں پاکستان مخالف بل پیش کرنے کا مقصد صرف اور صرف پاکستان کو دباو میں لانے کی ایک ناکام کوشش ہے۔محدود جنگی کاروائی بھارت کے لئے نقصان دہ ثابت ہو گی ۔جنگ رسمی ہو یا نیوکلیئر خطے کا نقشہ بدل دے گی۔ کشمیر پا کستان کی شہ رگ ہے کشمیریوں پر ہونے مظالم سے عالمی دنیا کٹ کر نہیں رہ سکتی پاکستان میں ہونے والی دہشت گردی کو بھارت سپانسر کررہا ہے ۔ میاں مقصود احمد نے اس حوالے سے مزید کہا کہ 75دنوں کے کرفیو ، عید الضحی کی نماز اورقربانی کی ممانعت، وحشیانہ فائرنگ سے 118سے زائد افراد کی شہادت پیلٹ گنوں سے سیکڑوں افراد کی بینائی ضائع کیے جانے پر اورہزاروں افراد کو زخمی کرنا سمیت تما م ہندوستان کے اوتھے ہتھکنڈے ناکام ہو چکے ہیں ایک دن بھی ایسا نہیں جس دن کشمیریوں نے پاکستان سے الحاق کی بات نہ کی ہو ۔پاکستان کشمیر کے بغیر نامکمل ہے اور انشاء اﷲ جموں کشمیر جلد پاکستان کا حصہ بنے گا۔متعلقہ عنوان :
مزید اہم خبریں
-
پاکستان کی امریکا سے درآمدات پرانحصار میں بڑی کمی
-
پاکستان اہم ترین شراکت داروں میں سے ایک ہے، امریکا
-
بانی پی ٹی آئی کا ڈی چوک کا دھرنا دو ججوں نے واپس کرایا، فیصل واوڈا
-
غزہ سیز فائر مذاکرات، مصری وفد اسرائیل میں
-
مہنگائی میں 1 فیصد سے زائد کمی کے باوجود بیشتر اشیاء مہنگی ہو گئیں
-
سینئر صوبائی وزیر مریم اورنگزیب کی ورلڈ فوڈ پروگرام کی کنٹری ڈائریکٹر کوکویوشییامہ سے ملاقات
-
حکومت گندم خریداری سے ہاتھ کھینچ چکی، کسان کو3900 روپے فی من قیمت نہیں مِل رہی
-
سعودی عرب کی پہلی بار ’مس یونیورس‘ مقابلے میں ممکنہ شرکت
-
وزیراعظم شہبازشریف نے ٹیکس چوری روکنے کا ٹریک اینڈ ٹریس سسٹم فراڈ قراردیدیا
-
توانائی پر پاک ایران تعاون موجود ہے، اپنی ضروریات کیلئے امریکا سے بھی رابطے میں ہیں،پاکستان
-
ملٹی سیکٹورل سموگ ایکشن پلان پر آئندہ ہفتے سے عملدرآمد شروع ہوجائے گا
-
وزیراعظم 28 اپریل کو سعودی عرب میں عالمی اقتصادی فورم اور4 مئی کو گیمبیا میں او آئی سی سربراہی اجلاس میں شرکت کریں گے،ترجمان دفتر خارجہ ممتاز زہرہ بلوچ کی ہفتہ وار پریس بریفنگ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.