لاہور ہاٗیکورٹ کے چیف جسٹس سید منصور علی شاہ نے تحریک انصاف کا رائے ونڈ میں ممکنہ دھرنا روکنے سے متعلق دائر درخواست کی سماعت کے لئے جسٹس شاہد حمید ڈارکی سربراہی میں فل بنچ تشکیل دے دیا۔

عمر جمشید جمعرات 22 ستمبر 2016 14:38

لاہور(اُردو پوائنٹ اخبارتازہ ترین۔22 ستمبر۔2016ء) چیف جسٹس لاہور ہائیکورٹ کی منظوری کے بعد نو تشکیل شدہ فل بنچ آئندہ ہفتے کیس کی سماعت کرئے گا۔فل بنچ میں جسٹس محمد انوارالحق اور جسٹس محمد قاسم خان شامل ہیں۔یہ درخواست مقامی شہری عاطف ستار نے سینئر قانون دان اے کے ڈوگرکے توسط سے دائر کی ہے۔

(جاری ہے)

جس میں موقف اختیار کیا گیا ہے کہ تحریک انصاف کے چیئرمین عمران خان پاکستانی شہریوں کو نفرت کا سبق دے رہے ہیں، عمران خان نے اپنی تقریر میں رائے ونڈ جا کر دھرنا دینے کا علان کر رکھا ہے، جو قوم کو تقسیم کرنے اور ملک میں انتشار کی سیاست کو فروغ دینے کا سبب بن ہوگا، درخواست میں استدعا کی گئی ہے کہ عدالت قومی مفاد کے پیش نظر عمران خان کے ممکنہ دھرنے کو روکنے کا حکم صادرکرئے۔

پاکستان تحریک انصاف سے متعلق تازہ ترین معلومات

Facebook Twitter Google + Share on Whatsapp

متعلقہ عنوان :

مزید اہم خبریں