مسور کی کاشت یکم اکتوبر سے شروع کرنے کی ہدایت

منگل 20 ستمبر 2016 15:05

فیصل آباد۔20ستمبر(اُردو پوائنٹ اخبارتازہ ترین - اے پی پی۔20 ستمبر۔2016ء)زرعی ماہرین نے کاشتکاروں کو مسور کی ترقی دادہ اقسام کی کاشت یکم اکتوبر سے شروع کرنے کی ہدایت کر دی ہے۔ انہوں نے کہا کہ راولپنڈی ، جہلم ، چکوال ، گجرات ، سیالکوٹ ، بہاولپور ، مظفر گڑھ ، ڈی جی خان کے اضلاع میں مسور کی منظور شدہ ترقی دادہ اقسام مسور 85، مسور 95، لوکل مسور ،مانسہرہ89کی کاشت سے بہترین پیداوار حاصل کی جا سکتی ہے ۔

(جاری ہے)

انہوں نے بتایاکہ مذکورہ علاقوں میں کاشت کا عمل یکم اکتوبر سے شروع کر کے 15نومبر تک اور آبپاش علاقوں میں 15اکتوبر سے شروع کر کے 15نومبر تک مکمل کیا جا سکتاہے۔ انہوں نے بتایاکہ مسور 85کی کاشت کیلئے 8کلوگرام بیج فی ایکڑ، مسور95، لوکل مسورکیلئے 8کلوگرام فی ایکڑ جبکہ مانسہرہ 89کیلئے 12کلوگرا م فی ایکڑ بیج ڈالنا مفید ثابت ہوسکتا ہے اور اس سے بہترین پیداوار بھی یقینی ہو سکتی ہے۔

Facebook Twitter Google + Share on Whatsapp

مسور کی کاشت یکم اکتوبر سے شروع کرنے کی ہدایت

مزید تجارتی خبریں