اڑی حملہ ، بھارتی پروڈیوسر نے پاکستان کے خلاف ٹویٹر پر زہر اُگل دیا

نئی دہلی (اُردو پوائنٹ تازہ ترین اخبار۔ 19 ستمبر 2016ء) : مقبوضہ کشمیر میں اڑی سیکٹر پر بھارتی بریگیڈ ہیڈ کوارٹر پر ہوئے حملے میں 17 بھارتی فوجی ہلاک اور متعدد زخمی ہوئے تھے جس کے بعد سے ہی بھارت نے اپنی روایتی ہٹ دھرمی کو برقرار رکھتے ہوئے حملے کا ذمہ دار پاکستان کو ٹھہرانا شروع کر دیا ہے۔ بھارت کی جانب سے پاکستان پر الزام تراشی کا سلسلہ تو کسی طور رکنے کا نام نہیں لے رہا اور اب اس میدان میں بالی وڈ سے تعلق رکھنے والے پروڈیوسر، ڈائریکٹر اور رائٹر بھی کُود پڑے ہیں۔

بھارتی پروڈیوسر کُنال کوہلی نے مائیکرو بلاگنگ ویب سائٹ ٹویٹر پر اپنے پیغامات میں پاکستان مخالف زہر اُگلنا شروع کر دیا ہے۔ اپنے پیغامات میں کُنال کوہلی نے کہا کہ ہم پاکستان کے آرٹسٹ کو اپنے یہاں آنے کی دعوت دینے کے ساتھ ساتھ کام کرنے کا موقع دیتے ہیں لیکن جب ہم پر حملہ ہوتا ہے تو ان کی جانب سے احتجاج کے لیے آواز تک نہیں اُٹھائی جاتی۔

(جاری ہے)

#UriAttack And we continue to make films about peace & welcome their artists. They don’t even raise a voice of protest when we’re attacked

— kunal kohli (@kunalkohli) September 19, 2016

کُنال نے کہا کہ ہم نے بہت بول لیا لیکن اب وقت کسی عمل اور رد عمل کا ہے۔

#UriAttack enough! We’ve spoken enough. It’s time to act & react.

— kunal kohli (@kunalkohli) September 19, 2016

اپنے پیغام میں کُنال نے لکھا کہ گذشتہ کئی سالوں سے ہم نے ہر ممکن انداز میں امن کی زبان بولی ہے۔ کیا انہوں نے کبھی جواب دیا؟ انہوں نے صرف ہمارا فائدہ ہی اُٹھایا ہے۔

#UriAttack for years we’ve spoken the language of peace in every way. Have they ever reciprocated? Only taken advantage of us

— kunal kohli (@kunalkohli) September 19, 2016

یہ ہماری فلموں پر پابندیاں عائد کرتے ہیں اور ہم ان کے ٹیلنٹ کو فروغ دیتے ہیں۔ ہم امن پر فلمیں بناتے ہیں اور یہ ہم پر حملے کرتے ہیں؟ کیا ہم بہت دیر سے اچھے نہیں بن رہے؟ کُنال کی جانب سے اس قسم کے پیغامات سے سوشل میڈیا پر ملے جُلے تاثرات دیکھنے میں آئے ہیں۔

#UriAttack they ban our films & we promote their talent? We make films on peace & they attack us.
Have we been too nice for too long?

— kunal kohli (@kunalkohli) September 19, 2016