جماعت اسلامی کی جانب سے مہمند ایجنسی میں بم دھماکے کی شدیدالفاظ میں مذمت
دہشتگردی کی بزدلانہ کاروائیاں عوام کاحوصلہ متزلزل نہیں کرسکتیں،حکومت متاثرین کی مالی وطبی امداد کرے‘میاں مقصود احمد
ہفتہ 17 ستمبر 2016 18:12
لاہور ( اُردو پوائنٹ اخبارتازہ ترین - این این آئی۔17ستمبر ۔2016ء) امیر جماعت اسلامی پنجاب میاں مقصود احمدنے مہمندایجنسی مسجد میں دوران نماز بم دھاکے کے نتیجے میں 28افراد کی شہادت پرانتہائی رنج وغم کااظہارکرتے ہوئے کہاہے کہ حکومت اور قانون نافذ کرنے والے ادارے عوام کے جان ومال کو تحفظ فراہم کرنے میں بری طرح ناکام ثابت ہوگئے ہیں۔کچھ غیرملکی طاقتیں پاکستان کے امن وامان کوتباہ کرنا چاہتی ہیں جنہیں بے نقاب کرناضروری ہے۔
انہوں نے کہاکہ حکومت اور اس کے ماتحت اداروں کو اپنی پالیسیاں ازسرنوتشکیل دیتے ہوئے عوام کو تحفظ کا احساس دینا ہوگا اس کے لیے ضروری ہے کہ مہمندایجنسی سانحہ میں ملوث افراد کو جلد ازجلد کیفر کردار تک پہنچایا جائے۔دہشتگری کے بزدلانہ واقعات پاکستان کے18کروڑ عوام کے جذبوں کو متزلزل نہیں کرسکتے۔(جاری ہے)
اب وقت آگیا ہے کہ حکومت دشمن کی تمام سازشوں کاقلع قمع کرنے کے لیے ہنگامی بنیادوں پر ٹھوس اقدامات کرے۔
میاں مقصود احمد نے دہشت گردی کے خلاف پاکستان کے عوام کی قربانیوں کاتذکرہ کرتے ہوئے کہاکہ نام نہاد امریکی جنگ میں سب سے زیادہ نقصان ہمارے ملک اور عوام کاہواہے۔بشمول 5ہزار سیکیورٹی فورسز کے50ہزار قیمتی جانوں کا ضیاع اور 100ارب کامعاشی نقصان اٹھانے کے باوجود دنیا میں پاکستان کو شک کی نگاہ سے دیکھاجاتاہے۔گرین پاسپورٹ کی کہیں توقیر نہیں کی جاتی۔انہوں نے کہاکہ دشمن قوتیں چاروں اطراف سے ہم پر حملہ آور ہیں۔مساجد میں دھماکے کوئی مسلمان نہیں کرسکتا۔ضرورت اس امر کی ہے کہ مہمند ایجنسی کی تحصیل انبار میں ہونے والابم دھماکہ کی تمام پہلوؤں سے تحقیقات ہونی چاہئیں۔ملک دشمن قوتیں پاکستان کے حالات خراب کرنے کی سازشیں کررہی ہیں۔انہوں نے حکومت سے مطالبہ کیاکہ بم دھماکے میں جاں بحق اور زخمی ہونے والے افراد کے لواحقین کی مالی وطبی امداد کرے تاکہ متاثرین کو کچھ ریلیف مل سکے۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.