گہری کھیلیوں میں کماد کی کاشت سے شاندار پیداوار حاصل کی جاسکتی ہے ، ماہرین ایوب ریسرچ

جمعہ 16 ستمبر 2016 14:44

فیصل آباد۔16 ستمبر(اُردو پوائنٹ اخبارتازہ ترین - اے پی پی۔16 ستمبر۔2016ء)ایوب زرعی تحقیقاتی ادار ہ فیصل آباد کے ماہرین زراعت نے کہاہے کہ گہری کھیلیوں میں کماد کی کاشت سے پانی کی 50 فیصد تک بچت اور شاندار پیداوار حاصل کی جاسکتی ہے۔

(جاری ہے)

لہٰذا کاشتکار گہری کھیلیوں میں کمادکی ستمبر کاشت کاعمل یقینی بنائیں اور کھیلیوں میں پہلے فاسفورسی اور پوٹاش کی کھاد ڈال کر سیاڑیو ں میں سموں کی 2لائنیں آٹھ سے نو انچ کے فاصلے پر اس طرح لگائیں کہ سموں کے سرے آپس میں ملے ہوئے ہوں اور بعد ازاں انہیں مٹی کی ہلکی تہہ سے ڈھانپ دیاجائے ۔

انہوں نے کہاکہ کاشتکار ستمبر کاشتہ کماد کو مناسب وقفہ پر پانی لگائیں اور جب کھیلیاں خشک ہو جائیں تو اسے فصل کے اگنے تک حسب ضرورت آبپاشی کی سہولت فراہم کی جاتی رہے تاکہ کماد کی اچھی پیداوار حاصل ہو سکے۔