افغانستان میں سالانہ اربوں ڈالر کے اخراجات پر امریکی قانون سازوں کے سوالات
جمعہ 16 ستمبر 2016 11:46
(جاری ہے)
تاہم ٹینیسی سے تعلق رکھنے والے سینیٹر کروکر نے تشویش کا اظہار کرتے ہوئے کہا کہ سالہا سال سے امریکہ افغانستان پر اِسی طرح بڑی رقوم خرچ کرتا رہا ہے جس کا ثمر شاید امریکی عوام فوری طور پر نہ دیکھ پائیں۔
اْنھوں نے پینل سے سوال کیا کہ آیا امریکی عوام ہر سال 10 ارب ڈالر دیتے رہیں گے۔ یو ایس ایڈ میں افغانستان و پاکستان کے معاون منتظم ڈونالڈ سیمپلر جونیئر نے نظم و ضبط اور زندگی میں حاصل کیے جانے والے معیار کے تعین کی اہمیت پر زور دیا۔سیمپلر نے کہا کہ ہمارے قومی سلامتی کے مفادات کو سامنے رکھتے ہوئے حکومت افغانستان کی حمایت کرنا اور اپنے ملک کی خود عمل داری سنبھالنے کے کام میں اْس کو مدد دینا اور بغاوت نہ ہونے دینا زیادہ بہتر ہے ،یہ زیادہ مناسب سرمایہ کاری ہوگی۔سینیٹروں نے خطے میں داعش کے بڑھتے ہوئے اثر و رسوخ پر اپنی تشویش کا بھی اظہار کیا۔اولسن نے کہا کہ ”ہم سمجھتے ہیں کہ چند ہزار لڑاکے ہیں جن میں سے 1500 سے 2000کے قریب زیادہ تر صوبہ ننگرہار کے مشرق میں موجود ہیں۔اْنھوں نے کہا کہ افغان حکومت اْن کے خلاف لڑائی میں متحرک کردار ادا کر رہی ہے اور ہماری اپنی افواج اْن کے خلاف فضائی کارروائیوں میں مدد دے رہی ہیں تاہم انھوں نے وضاحت کی کہ افغانستان میں طالبان اور داعش ایک دوسرے کے خلاف ہیں، طالبان کے عزائم داخلی جبکہ داعش کا ایجنڈا عالمگیر ہے۔انھوں نے کہا کہ حالانکہ امریکہ نے افغانستان میں اپنے فوجیوں کی تعداد کم کر دی ہے تاہم اب بھی امریکی فوجی کافی حد تک موجود ہیں۔انھوں نے کہا ہ مالی سال 2017ء کے لیے صدر اوباما نے 3.45 ارب ڈالر مختص کرنے کے لیے کہا ہے تاکہ افغان سکیورٹی افواج کو فنڈ میسر کیے جا سکیں۔ اْنھوں نے اس بات کی سفارش کی کہ اْن کے جانشین سال 2020ء تک رقوم کی سطح برقرار رکھیں کیونکہ امریکی فوج افغان فوج کو تربیت فراہم کر رہی ہے جبکہ امریکی لڑاکا طیارے بَری فوج کے افغان دستوں کو مدد فراہم کرتے ہیں۔مزید بین الاقوامی خبریں
-
ولادمیر پیوٹن نے پانچویں مرتبہ صدر کے عہدے کا حلف اٹھا لیا
-
ڈونلڈ ٹرمپ کی حمایت میں نوجوان ماڈل سامنے آگئی
-
سعودی عرب میں سب سے بڑے واٹرانٹرٹینمنٹ پارک منصوبے کا اعلان
-
سعودی وفد نے پاکستان کی مہمان نوازی کا کھلے دل سے اعتراف کیا، شہباز شریف
-
غزہ جنگ بندی معاہدہ، حماس کی تجاویزپرامریکا کا ردعمل سامنے آ گیا
-
جدہ بندرگاہ پرکوکین سمگل کرنے کی کوشش ناکام، 2 افراد گرفتار
-
اسرائیل کی غزہ میں جاری جنگ کے دوران شہید فلسطینیوں کی تعداد 34 ہزار سے تجاوز کر گئی
-
اسرائیلی مخالف طلبہ کا احتجاج بیلجیم اورنیدرلینڈزتک پہنچ گیا
-
ایکواڈور کی بحریہ کے ہیلی کاپٹر کو حادثہ، 2 پائلٹ ہلاک
-
امریکا کا رفح میں اسرائیلی فوج کے زمینی حملے کی حمایت سے انکار
-
ڈونلڈ ٹرمپ پھر توہینِ عدالت کے مرتکب قرار
-
مئیر لندن نے فلسطین میں فوری جنگ بندی کا مطالبہ کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.