ٹنڈوالہیار‘عید الضحیٰ مذہبی عقیدت واحترام سے منائی گئی‘ لاکھوں امت مسلمہ نے قربانی کرکے سنت ابراہیمی کو زندہ کیا
جمعرات 15 ستمبر 2016 19:46
ٹنڈوالہیار(اُردو پوائنٹ اخبارتازہ ترین - آئی این پی۔15ستمبر ۔2016ء) عید الضحیٰ مذہبی عقیدت واحترام سے منایا گیا ۔لاکھوں امت مسلمہ نے قربانی کرکے سنت ابراہیمی کو زندہ کیا ضلع بھر میں 100سے زائد مقامات پر نماز عید کے اجتماعات منعقد ہوئے ۔عید کے بڑے اجتماعات مرکزی عیدگاہ،دارالعلوم ،مدرسہ انوار طاہریہ،صمدیہ عیدگاہ،راشد آباد ،نصرپور ،پیارولنڈ،سلطان آباد ،عثمان شاہ ہڑی ،چمبڑ سمیت چھوٹے بڑے علاقوں میں نماز عید کے اجتماعات منعقد ہوئے۔
ملک بھر میں دہشت گردی کے خطرات کے پیش نظر ضلعی انتظامیہ کی جانب سے سکیورٹی کے سخت انتظامات کیے گئے ۔مساجد ،امام بارگاہوں ،عیدگاہوں اور کھلے آسمان تلے منعقد ہونیوالے نماز عید کے اجتماعات کیلئے 1200سے زائد پولیس اہلکاروں کو تعینات کیا گیا ۔(جاری ہے)
نماز عید اجتماعات میں علماء اکرام پاکستان کی سلامتی،اسلام کی سر بلندی کیلئے خصوصی دعائیں کیں گئیں۔
مرکزی عیدگاہ کے خطیب علامہ مولانا ضیاء الحق نقشبندی ،مفتی شیر محمد قادری ،مولوی عنایت ،مولانا مراد بلوچ سمیت دیگر علماء اکرام نے کہا کہ آج دشمنان اسلام اور پاکستان مسلمانوں کیخلاف سازشوں میں مصروف عمل ہیں ۔امت مسلمہ کو اپنی صفوں میں اتحا د واتفاق کی اسد ضرورت ہے ۔عید الضحیٰ ہمیں جہاں سنت ابراہیمی ادا کرنیکا درس دیتا ہے ۔وہیں عید الضحیٰ ایثار کا بھی پیغام دیتا ہے ۔آج پورے ملک میں دہشت گردی کے خاتمے کیلئے اور پاکستان کی بقا وسلامتی کیلئے ،اسلام کی سربلندی کیلئے افواج پاکستان شیشہ پلائی دیوار بن کر ملک دشمن اسلام دشمن دہشت گردوں کیخلاف جہاد میں مصروف ہیں ۔آج ان کی کاوشوں کے سبب ملک میں امن قائم ہورہا ہے ۔اس موقع پر ڈپٹی کمشنر ٹنڈوالہیار رشید احمد زرداری نے عید کے پیغام میں کہا کہ عید الضحیٰ ہمیں اخوت وبھائی چارے کا درس دیتا ہے ۔قربانی وایثار کے ذریعے اپنی صفوں میں اتحاد ومحبت کا پیغام ہے ۔ٹنڈوالہیار کی سر زمین امن کی سر زمین ہے یہاں کے رہنے والے محبتی انسان ہیں۔ضلعی چیئرمین مخدوم میوں علی محمد ولہاری نے کہا کہ ٹنڈوالہیار کی سرزمین بزرگوں کی سر زمین ہے۔اور اس سر زمین پر امن کا پرچم ہمیشہ سر بلند رہا ہے ۔اور ہم امن کی خاطر نفرتوں کے خاتمے کیلئے ،محبتوں کے چراغ کو روشن کریں گے۔ایس ایس پی ٹنڈوالہیا رنے کہاکہ امت مسلمہ کو نماز عید کے دوران جانی ومالی حفاظت کیلئے 1200سے زائد پولیس اہلکاروں نے اپنی عید کی خوشیاں قربان کرکے انسانی جان ومال کی حفاظت کا فریضہ سر انجام دیا ہے ۔مزید قومی خبریں
-
صوابی ، گھریلو تنازعے پر بھائی نے بھا ئی کوقتل کردیا
-
حکومت گندم خریدنے کے ہدف میں4 ملین ٹن کا اضافہ کرے ‘ جمشید اقبال چیمہ
-
ایرانی صدر کی کراچی آمد،سکیورٹی ڈویژن کے 800سے زائد اہلکارتعینات
-
ایبٹ آباد میں پروٹیکٹوریٹ آف امیگرینٹس کا دفتر جون 2024ء سے اپنا کام شروع کر دے گا، اعظم نذیرتارڑ
-
وفاقی حکومت کی طرف سے منڈا، داسو اور دیامر بھاشا ڈیموں کے منصوبوں کی تعمیر پر کام جاری ہے، یہ بروقت مکمل ہونگے، اعظم نذیر تارڑ
-
ای بائیکس پورٹل کے ذریعے 1 لاکھ سے زائد طلبہ نے رجسٹریشن کروالی
-
پتوکی،مسلح ملزمان 22سالہ لڑکی کو اسلحہ کے زور پر اغوا کرکے فرار
-
سعد رفیق کا اپنی پرانی تقریر ایڈٹ کرکے جاری کرنے پر قانونی کارروائی کا اعلان
-
راولپنڈی ،چوری کی وارداتوں میں مطلوب دو ملزمان گرفتار
-
وزیراعلیٰ پنجاب نے صوبائی انفورسمنٹ اتھارٹی کے قیام کی منظوری دیدی
-
پاکستان چھوڑنے والے غیرقانونی افغانیوں کی تعداد 5لاکھ 42ہزار سے متجاوز
-
ایران سے سالانہ بنیادوں پر درآمدات میں 25فیصد کا بڑا اضافہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.