رواں سال 20 فیصد زیادہ قربانی ہوئی ہے تاہم شہر کی صفائی ستھرائی میں کوئی کسر نہیں چھوڑی جائے گی، گورنر سندھ
اگر شہر میں صفائی نہ کی گئی تو بیماریاں بہت تیزی سے پھیلیں گی ،عوام کے تحفظ کے لیے صفائی ستھرائی کے معاملات میں تمام وسائل بروئے کار لائے جائیں گے
جمعرات 15 ستمبر 2016 18:22
کراچی (اُردو پوائنٹ اخبارتازہ ترین - این این آئی۔15ستمبر ۔2016ء) گورنر سندھ ڈاکٹرعشرت العباد نے کہا ہے کہ رواں سال 20 فیصد زیادہ قربانی ہوئی ہے تاہم شہر کی صفائی ستھرائی میں کوئی کسر نہیں چھوڑی جائے گی۔ان خیالات کا اظہار انہوں نے شہر کے مختلف علاقوں کے دورے کے اختتام پر میڈیا سے گفتگو کرتے ہوئے کی۔ ڈاکٹر عشرت العباد کا کہنا تھا کہ اگر شہر میں صفائی نہ کی گئی تو بیماریاں بہت تیزی سے پھیلیں گی تاہم عوام کے تحفظ کے لیے صفائی ستھرائی کے معاملات میں تمام وسائل بروئے کار لائے جائیں گے۔
انہوں نے کہا کہ مخصوص اختیارات کے باجود بلدیاتی نمائندوں نے ذمہ داری سے فرائض سرانجام دئیے جبکہ عوام کی جانب سے بھی انتظامیہ سے مکمل تعاون کیا گیا۔ ان کا کہنا تھا کہ جانوروں کی آلائشیں ٹھکانے لگانے کا کام بہت بڑا ہے تاہم بلدیاتی نمائندے اس کام کو نیک نیتی کے ساتھ سرانجام دے رہے ہیں۔(جاری ہے)
ڈاکٹر عشرت العباد کا کہنا تھا کہ کراچی کے عوام کا خوف ختم ہوگیا ہے اور اب شہر میں امن و امان بھی قائم ہوچکا ہے ۔
یہ سب کراچی آپریشن کے مثبت نتائج کا نتیجہ ہے۔ اس صورتحال کے باعث عوام کا حکومت پر اعتماد بحال بھی ہوا ہے، شہر کو مزید ترقی دینے کے لیے بلدیاتی نمائندوں کو جائز اختیارات دینے ہوں گے۔گورنر سندھ نے کہا کہ فورسز کی بہتر سیکیورٹی کے باعث شکار پور روہڑی محفوظ رہااور اہلکاروں نے اس حملے کو ناکام بنانے میں اپنا بھر پور کردار ادا کیا اور نمازیوں کی زندگیوں کو محفوظ بنایا ۔ گورنر سندھ کا کہنا تھا کہ کراچی آپریشن پرسیاسی جماعتوں کو تحفظات ہیں تاہم اگر کسی کو مسائل ہیں تو میرے دروازے ہمیشہ کھلے ہیں۔ڈاکٹر فاروق ستار سے ملاقات کے حوالے سے پوچھے گئے سوال کے جواب میں گورنر سندھ نے کہا کہ ڈاکٹر فاروق ستار سے بات ہوئی وہ اب خیریت سے ہیں ، اﷲ کا شکر ہے کہ وہ حادثے میں بالکل محفوظ رہے۔قبل ازیں گورنر سندھ عشرت العباد، ڈپٹی میئر اور کمشنز کراچی کے ہمراہ مختلف علاقوں پرانی سبزی منڈی، نیپا چورنگی، حسن اسکوائر اور ناظم آباد کا دورہ کرتے ہوئے صفائی ستھرائی کی صورتحال کا جائزہ لیا۔مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.