ملکی ترقی کا پہیہ روکنے والوں کا ایجنڈا کامیاب نہیں ہو گا‘پروفیسر ساجد میر
ناچنے والے کبھی پاکستان نہیں چلاسکتے، عمران خاں طاہر القادری ہمیشہ بیرونی اشاروں پر ناچتے ہیں‘مرکزی امیر جمعیت اہل حدیث
اتوار 4 ستمبر 2016 17:16
لاہور (اُردو پوائنٹ تازہ ترین اخبار۔ 4 ستمبر - 2016ء ) امیر مرکزی جمعیت اہل حدیث پاکستان سینیٹر پروفیسر ساجد میر نے کہا ہے کہ جمہوریت کے خلاف سازش عوام کی قوت سے ناکام بنائیں گے،ملکی ترقی کا پہیہ روکنے والوں کا ایجنڈا کامیاب نہیں ہو گا،مسائل کے حل کے لیے پارلیمنٹ کی بجائے فوج سے امیدیں لگانا کہاں کی دانشمندی ہے، فوج کا کردار ملکی سلامتی اور دفاع کے لیے ناقابل فراموش ہے مگر بعض عناصر انہیں ملکی معاملات میں الجھانا چاہتے ہیں، پاکستان کو گالیاں دینے والوں کو چوکوں میں لٹکادینا چاہیے، ملک کے غداروں کے خلاف فیصلہ کن آپریشن کیا جائے،ایم کیو ایم کے دفاتر کے ساتھ ساتھ پاکستان مخالف سوچ پر بھی بلڈوز ر چلانا ہو گا۔
ملکی اداروں کو گالیاں دینا انتہائی غیر مہذب رویہ ہے، کشمیر یوں کی قربانیاں رنگ لائیں گی۔(جاری ہے)
ان خیالات کا اظہار انہوں نے مرکز دارالسلام میں مرکزی جمعیت اہل حدیث لاہورکے زیر اہتمام پاکستان زندہ باد اور آزاد ی کشمیر کا نفرنس سے خطاب کرتے ہوئے کیا۔جسکی صدارت امیر لاہور قاری عبدالمتین اصغر نے کی۔ پروفیسر ساجد میر کا کہنا تھا کہ جنہوں نے حصول پاکستان کے لیے قربانیاں دیں وہ کبھی پاکستان کو گالی نہیں دے سکتے اورنہ سننا برداشت کرسکتے ہیں۔
مہاجروں نے اگر پاکستان کو ترجیح دی تھی تو انہیں یہاں مقام بھی ملا، انہیں آزادی کی قدر کرنی چاہیے۔آج مہاجروں کے حقوق کے نام پر پاکستان کو گالی دی جارہی ہے جو ہم برداشت نہیں کرسکتے۔ ہمارے اسلاف نے پاکستان کی خاطر اپنی جانوں کے نذرانے پیش کیا آج انکے فرزند اس کی ناموس کی حفاظت کریں گے۔ پاکستان میں وہی رہے گا جو پاکستان زندہ باد کا نعرہ لگائے گا۔ جو گالی دے گا ہم اسے سمندر میں پھینک دیں گے۔ کشمیری تکمیل پاکستان کی جنگ لڑرہے ہیں ان کی قربانیاں ضرور رنگ لائیں گی۔ کشمیر میں آزادی کا سورج بہت جلد طلوع ہونے والا ہے۔ انہوں نے مزید کہا کہ احتجاج اور دھرنوں کی سیاست سے ملکی ترقی کا پہیہ نہیں روکا جاسکتا، جمہوریت کی بساط لپیٹنے والوں کوعوامی قوت سے شکست دیں گے۔ ناچنے والے کبھی پاکستان نہیں چلاسکتے۔ عمران خاں طاہر القادری ہمیشہ بیرونی اشاروں پر ناچتے ہیں۔ ان کے پاس عوامی فلاح اور ملکی ترقی کا کوئی ایجنڈا نہیں انتشار پھیلانا اور ملک کو کمزور نا انکا مشترکہ ایجنڈا ہے۔ہم اللہ کے فضل اور عوام کی قوت سے ملک دشمنوں کا ایجنڈا ناکام بنادیں گے۔ قاری عبدالمتین اصغر نے کہا کہ پاکستان اسلام کے نام پر حاصل کیا تھا اسکی بقا بھی اسی نظام کے نفاذ میں مضمر ہے۔ سینئر نائب ناظم اعلی مولانا نعیم بٹ نے کہا کہ پاکستان ہمیں اپنی جانوں سے زیادہ عزیز ہے اسکی طرف میلی نگاہ اٹھانے والوں کی آنکھیں نکال دیں گے۔کشمیریوں پر مظالم پر عالمی انسانی حقوق کے اداروں کی خاموشی شرمناک ہے۔امیر پنجاب پروفیسر عبدالستار حامد نے کہا کہ پاکستان عالم اسلام کا قلعہ ہے اس میں شگاف ڈالنے کی ہر سازش کو ناکام بنادیں گے۔ملکی سالمیت کو نقصان پہچانے والوں کا پیچھا کریں گے۔ انہوں نے کہا کہ مرکزی جمعیت اہل حدیث ملک میں قرآن وسنت کی بالادستی چاہتی ہے اس لیے کہ پاکستان کی یہی نظریاتی اساس ہے۔ کانفرنس سے مرکزی جمعیت اہل حدیث لاہور کے جنرل سیکرٹری حکیم عبداللطیف، قاری ارشد بیگم کوٹی ودیگر مقررین نے بھی خطاب کیا۔متعلقہ عنوان :
مزید قومی خبریں
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
-
9 مئی: ڈاکٹر یاسمین راشد کی درخواست ضمانت پر سماعت 27 اپریل تک ملتوی
-
موسمیاتی تبدیلی کرہ ارض کا درپیش عظیم چیلنج ہے، صورتحال کی سنگینی کو سمجھنا ہوگا: بلیغ الرحمان
-
گرفتاری کاڈر:شیر افضل مروت نے اسلام آباد ہائی کورٹ سے حفاظتی ضمانت کیلئے رجوع کرلیا
-
فواد چوہدری کیخلاف مقدمات،سیکرٹری داخلہ کو توہین عدالت کی درخواست پر نوٹس
-
کے پی حکومت کا بیوٹی پارلرز کے بعد وکلا کو بھی فکسڈ ٹیکس نیٹ میں لانے کا فیصلہ
-
راولپنڈی، 7 سالہ لڑکی کی قابل اعتراض تصاویر اور ویڈیوز وائرل کرنے پر ملزم کو 3 سال قید اور 25 لاکھ روپے جرمانہ کی سزا
-
جاوید لطیف اور رانا تنویر کے درمیان اختلافات حلقے میں ٹکٹوں کی تقسیم تنازع قرار
-
محاز آرائی سے جمہوریت کمزور ہوگی،مولانا نام بتائیں اسمبلی کس نے بیچی،فیصل کریم کنڈی
-
وزیراعظم کے تاجروں سے خطاب کے دوران بھی بانی پی ٹی آئی عمران خان کا تذکرہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.