کراچی میں ایم کیو ایم کے دفاتر گرانے کا سلسلہ جاری،مزید 4یونٹ آفس مسمار کردیئے گئے
شہر بھر میں ایم کیو ایم کے گرائے جانے والے دفتروں کی تعداد 69ہوگئی،سب سے زیادہ دفاتر ضلع کورنگی میں مسمار کیے گئے
ہفتہ 3 ستمبر 2016 18:33
کراچی (اُردو پوائنٹ اخبارتازہ ترین - این این آئی۔3 ستمبر ۔2016ء) کراچی میں ایم کیو ایم کے دفاتر گرانے کا سلسلہ جاری ہے ۔ہفتہ کو ، مزید 4 یونٹ آفس مسمار کردیئے گئے ہیں ،اس طرح شہر بھر میں ایم کیو ایم کے گرائے جانے والے دفتروں کی تعداد 69ہوگئی ہے ۔ایم کیو ایم کے سب سے زیادہ دفاترضلع کورنگی میں مسمار کیے گئے ہیں ۔ تفصیلات کے مطابق کے ڈی اے کی انسداد تجاوزات ٹیم نے جمعرات کو عزیز آباد میں سرکاری اور رفاہی زمین پر قائم کئے گئے ایم کیو ایم کے غیر قانونی دفاتر کے خلاف کارروائی کی اس دوران چار یونٹ آفسز کو مسمار کیا گیا۔
گرائے گئے دفاتر میں153 اے اور بی، 154 اور155 شامل ہیں، اس موقع پر پولیس اور رینجرز کی بھاری نفری موقع پر موجود تھی ۔اس تازہ کارروائی کے بعد شہر بھر میں ایم کیو ایم کے گرائے جانے والے دفتروں کی تعداد 69ہوگئی ہے جبکہ سیل کیے گئے دفاتر کی تعداد 232ہے ۔(جاری ہے)
ضلع شرقی میں 12،ملیر میں 7،کورنگی میں 26،سٹی ایریا میں 2،جنوبی میں 3،غربی میں 4جبکہ ضلع وسطی میں 15دفاتر مسمار کیے گئے ہیں ۔
جبکہ ضلع شرقی میں 48،ملیر میں 11،کورنگی میں 38،سٹی میں 12،جنوبی میں 12،غربی میں 42اور ضلع وسطی میں 69دفاتر کو سیل کیا گیا ہے ۔واضح رہے کہ ایم کیو ایم کے دفاتر کو گرانے اور سیل کیے جانے کا سلسلہ 22اگست کو ایم کیو ایم کے بانی کی پاکستان مخالف تقریر اور نعروں کے بعد شروع ہواتھا اور اب تک ایم کیو ایم کے سیل اور گرائے جانے والے دفاتر کی مجموعی تعداد 301ہوگئی ہے ۔وزیراعلیٰ سندھ سید مراد علی شاہ نے اس ضمن میں واضح ہدایت جاری کی ہیں کہ سرکاری زمینوں پر قائم سیاسی جماعتوں کے تمام دفاتر کا خاتمہ کیا جائے ۔متعلقہ عنوان :
مزید اہم خبریں
-
آئی ایم ایف نے بجلی کی قیمت میں 32 روپے کمی کیلئے حکومت کو فارمولہ تجویز کر دیا
-
وفاقی حکومت کا بجلی چوری اور سہولت کاری میں ملوث افسران کیخلاف کاروائی کا فیصلہ
-
وفاقی وزیر داخلہ محسن نقوی کی وزیر اعلیٰ ہاؤس پشاور آمد
-
صدرمملکت آصف علی زرداری سے برطانوی ہائی کمشنر جین میریٹ کی ملاقات
-
ٹوبہ ٹیک سنگھ میں بھائی کے ہاتھوں بہن کے قتل کے حوالے سے ہولناک انکشافات
-
وزیراعلیٰ پنجاب مریم نواز کی زیر صدارت اجلاس ،کسانوں کیلئے انقلابی و تاریخی اقدامات کا فیصلہ
-
وزیراعلیٰ پنجاب مریم نوازکا لاہوررنگ روڈ سدرن لوپ تھری پراجیکٹ کا دورہ ، منصوبہ جلد مکمل کرنے کا حکم
-
سائنسی بنیاد پر رمضان کا چاند 29 کا ہونے کا امکان
-
وزیراعلی مریم نوازکی زیر صدارت اجلاس، پنک راک سالٹ کی خام حالت میں برآمدپر پابندی پراتفاق
-
چوہدری پرویزالہٰی کی سی ٹی اسکین رپورٹ ڈاکٹرز کو موصول
-
نیپرا نے کےالیکٹرک سمیت ملک بھر کیلئے بجلی مہنگی کردی
-
چئیرمین رویت ہلال کمیٹی نے پاکستان میں سائنسی بنیاد پر عید الفطر کی تاریخ بتا دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.