قانون نافذ کرنے والے اداروں نے ”را“ سے تعلق رکھنے والے شیخ عبدالجباراوراس کے سہولت کار کی گرفتاری کے لیئے کوششیں تیز کردیں

شیخ عبدالجباربھارتی شہری ہے اور اس کے پاس پاکستانی شناختی کارڈ اور پاسپورٹ ہے۔ عبدالجبار 1983میں پاکستان آیا،1995میں شناختی کارڈ بنوایا 1990میں خورشیدہ پروین نامی خاتون سے شادی کی جس سے اس کا ایک بیٹا اوربیٹی بھی

ہفتہ 3 ستمبر 2016 15:30

کراچی(اُردو پوائنٹ اخبارتازہ ترین - این این آئی۔03 ستمبر۔2016ء) قانون نافذ کرنے والے اداروں نے بھارتی خفیہ ایجنسی ”را“ سے تعلق رکھنے والے شیخ عبدالجباراوراس کے سہولت کار کی گرفتاری کے لیئے کوششیں تیز کردی ہیں۔انٹیلی جنس اداروں کی رپورٹ کے مطابق کراچی کے علاقے نارتھ کراچی کا رہائشی شیخ عبدالجبار اوراس کے سہولت کاراظفرملک دشمن سرگرمیوں میں ملوث ہے جس کے بعد شیخ عبدالجبارا ور اس کے ساتھی اظفر کی گرفتاری کیلئے قانون نافذ کرنے والے اداروں نے کاروائیاں تیز کردی ہیں۔

رپورٹ کے مطابق شیخ عبدالجباربھارتی شہری ہے اور اس کے پاس پاکستانی شناختی کارڈ اور پاسپورٹ ہے۔ عبدالجبار 1983میں پاکستان آیا،1995میں شناختی کارڈ بنوایا 1990میں خورشیدہ پروین نامی خاتون سے شادی کی جس سے اس کا ایک بیٹا اوربیٹی بھی ہیں۔

(جاری ہے)

اسی طرح 2003میں عبدالجبار نے اپنا پاسپورٹ بنوایا جو نارتھ کراچی کا رہائشی ہے اور اتوار بازار میں اسٹال لگاتا ہے جب کہ رات کو پارٹ ٹائم کے طور پر چنگچی رکشا بھی چلاتا ہے۔

بھارت سے پاکستان منتقل ہونے مبینہ ”را“ ایجنٹ عبدالجبار کے والدین اور ایک بہن اور بھائی اب بھی بھارت میں رہائش پزیر ہیں۔واضح رہے 2013 سے جاری دہشت گردوں کے خلاف آپریشن میں” را“ کے کئی ایجنٹس کو گرفتار کیا جا چکاہے۔ پاکستان کے سب سے بڑے شہر کراچی سے 3 ”را“ کے ایجنٹ گرفتار ہو چکے ہیں جن کا تعلق ایک سیاسی جماعت سے بتایا جاتا ہے۔

متعلقہ عنوان :