دہشتگردوں کا اصل مقصد آسان اہداف کو نشانہ بنا کر مایوسی پھیلانا ہے،چوہدری نثار
ہفتہ 3 ستمبر 2016 15:08
(جاری ہے)
اس موقع پر وزیرداخلہ میڈیا سے گفتگو کر رہے تھے۔
انہوں نے کہا کہ دہشتگرد آسان اہداف کو نشانہ بناتے ہیں تا کہ مایوسی پھیلے،دہشتگردوں کا مقصد ریاستی اداروں کیخلاف نفرت پھیلانا ہے،بزدلانہ کارروائیوں سے ڈریں گے اور نہ مایوس ہونگے جس میں انسانیت ہو وہ معصوم لوگوں کو نشانہ بنانے کا سوچ بھی نہیں سکتے۔انہوں نے کہا کہ حوصلے اور جوان مردی سے دہشتگردی کا مقابلہ کیاجاسکتا ہے،2013سے پہلے دہشتگردی کے روزانہ 5سے6واقعات ہونا معمول تھے،کراچی ائیر پورٹ حملے کے بعد آپریشن ضرب عضب کا فیصلہ کیاگیا جس سے دہشتگردوں کو شکست ہوئی اور انکے کچھ سہولت کار چھپ کر بیٹھے ہیں۔ دہشتگردوں کے خلاف جنگ جاری ہے۔ انشاء اللہ انہیں منطقی انجام تک پہنچائیں گے،الزام تراشی کی بجائے اتفاق اور یکجہتی کا پیغام دینا ہوگا اور بچے کھچے دہشتگردوں کے خاتمے کیلئے قوم کو اکھٹا ہونا ہوگا۔وکلاء برادری پاکستان کے آئین اور سرکا تاج ہے۔انہوں نے کہا کہ صوبائی حکومتوں کے ساتھ خفیہ معلومات کا تبادلہ جاری ہے کیونکہ دہشتگردوں کے خلاف جنگ پاکستان کے مستقبل کی جنگ ہے،دہشتگردی کے خلاف جنگ پر سیاست کرنیوالے ملک کے مستقبل کے دشمن ہیں،خامیوں کا حل مل کر تلاش کرنا ہے ۔انہوں نے کہا کہ امن کی بحالی میں پولیس کا بہت بڑا کردار ہے اور دہشتگردی کے باوجود مردان کے لوگوں کا بلند حوصلہ قابل تحسین ہے،کرسچن کالونی ورسک روڈ پر دہشتگردوں کیخلاف پہلی کارروائی پولیس نے کی، ورسک میں مارے گئے دہشتگردوں کے سہولت کاروں تک پہنچیں گے۔وزیرداخلہ نے کہا کہ افغان مہاجرین کے حوالے سے قومی پالیسی بنانے کی ضرورت ہے،پاکستان کے خلاف پروپیگنڈا بند کرنے کے اقدامات کیلئے پرعزم ہیں اور دیگر صوبوں کے معاملات میں مداخلت نہیں کرتے،ورسک میں مارے گئے دہشتگرد غیرملکی تھے،غلط فیصلوں کے باعث دہشتگردی ہمارے گھر میں داخل ہوئی اور افغانستان میں امن ہوگا تو پاکستان میں امن ہوگا۔انہوں نے کہا کہ مردان کو ایک بار پھر دہشتگردی کا نشانہ بنایا گیا ۔میں وزیراعظم محمد نوازشریف اور حکومت کیجانب سے مردان واقعے میں شہادتوں پر تعزیت کرتا ہوں،دہشتگردی کے لحاظ سے چارسدہ،صوابی،مردان زیادہ حساس ہیں،ہمیں دہشتگردی کے واقعات پر ایک دوسرے پر انگلی اٹھا کر تقسیم نہیں ہونا چاہیے۔وزیرداخلہ نے کہا کہ کابینہ اجلاس میں لواحقین کی دیکھ بھال سے متعلق پالیسی منظوری کیلئے پیش کریں گے،دہشتگردی کے خلاف جنگ پر سیاست کرنا پاکستان کے مستقبل کی جنگ ہے اور سیکیورٹی پر سمجھوتا کرنے والوں کو نوکری پر رہنے کا حق نہیں ہے،ہمیں سیکیورٹی کیلئے پیشگی اقدامات کرنے ہوں گے۔انہوں نے کہا کہ مردان میں خطرات سے متعلق 2مقدمہ رپورٹ پیش کی گئیں،2انٹیلی جنس رپورٹس مردان اور ڈسٹرکٹ کورٹ سے متعلق تھیں۔متعلقہ عنوان :
مزید اہم خبریں
-
لوٹا ہوا پیسہ پاکستان واپس لایا جائے تو ڈالر 50 روپے کا ہو جائے گا
-
صدر آصف علی زرداری نے ترک چیف آف جنرل سٹاف جنرل متین گورک کو نشان امتیاز ملٹری سے نوازا
-
اسٹریمنگ سروس نیٹ فلکس کے ناظرین نصف بلین ہو گئے
-
مہنگائی کی شرح میں کمی کے باوجود 22 اشیائے ضروریہ مہنگی ہوگئیں
-
وزیراعظم کو افغان ٹرانزٹ ٹریڈ کے حوالہ سے قائم کمیٹی کی رپورٹ پیش، شہبازشریف کی چینی سمیت دیگر سمگلنگ کے خاتمہ کی ملک گیر مہم تیز کرنے کی ہدایت
-
پاکستان سے لوٹا ہوا پیسہ واپس لایا جائے تو ڈالر 50 روپے کا ہو جائیگا، شعیب شاہین
-
عمران خان، بشریٰ بی بی کا نجی ہسپتال سے میڈیکل چیک اپ کرانے کا حکم
-
پی ٹی آئی عوام کا نہیں سوچ رہی بلکہ اپنے لیڈر کو این آراودلوانے کیلئے ڈٹی ہوئی ہے
-
مشرق وسطیٰ میں کشیدگی، تیل کی قیمتوں میں اضافہ
-
پاکستان میں مریضوں کے لیے ویزا فری انٹری، افغان باشندے خوش
-
لانڈھی میں غیر ملکیوں کی گاڑی پر خودکش حملے میں استعمال ہونے والی موٹرسائیکل کی تفصیلات سامنے آگئیں
-
خودکش حملے میں دہشت گرد کو مارنے والے پولیس اہلکار کا بیان سامنے آگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.