تحریک کا مقصدکرپشن کے خلاف عوام میں شعور بیدار کرنا اور وزیراعظم کو احتساب پر مجبور کرنا ہے ‘نعیم الحق
تحریک انصاف تمام قانونی و آئینی آپشن کے ساتھ ساتھ عوامی تحریک کو منطقی انجام تک پہنچا کر دم لے گی‘پریس کانفرنس سے خطاب
جمعہ 2 ستمبر 2016 22:28
لاہور(اُردو پوائنٹ اخبارتازہ ترین - آئی این پی۔2 ستمبر ۔2016ء ) پاکستان تحریک انصاف کے مرکزی سیکرٹری اطلاعات نعیم الحق اور صوبائی سیکرٹری اطلاعات صمصام بخاری نے پارٹی آفس میں 3 ستمبر پاکستان مارچ کے حوالے سے مشترکہ پریس کانفرنس سے خطاب کرتے ہوئے کہاکہ تحریک انصاف لاہور میں عظیم الشان ریلی کا انعقاد کررہی ہے ،ہمارا احتجاج مکمل طور پر پُرامن ہوگا، اس سے پہلے پشاور ، راولپنڈی اور جہلم میں بھرپور عوامی قو ت کا مظاہرہ کرچکے ہیں۔
اس تحریک کا مقصدکرپشن کے خلاف عوام میں شعور بیدار کرنا اور وزیراعظم کو احتساب پر مجبور کرنا ہے ۔ تحریک انصاف تمام قانونی و آئینی آپشن کے ساتھ ساتھ عوامی تحریک کو منطقی انجام تک پہنچا کر دم لے گی۔ تحریک انصاف جلد وزیراعظم کے خلاف دوبارہ سپریم کورٹ میں رٹ دائردرخواست کی پوری طرح پیروی کریں گے ۔(جاری ہے)
خیبرپختونخوا میں شفافیت اور خدمت کا اعلیٰ معیار قائم کریں گے اور آئندہ انتخابات میں حکمرانوں کا بھرپور مقابلہ کریں گے ۔
فاروق ستار سمیت متحدہ قومی موومنت کے بیشتر رہنماء تیس سالوں سے کراچی میں الطاف حسین کے قتل عام کی حمایت کرتے آئے ہیں۔الطاف حسین سے محض اظہارلاتعلقی کافی نہیں فاروق ستار سمیت دیگر اراکین اسمبلی طور پرمستعفیٰ ہوجائیں ، کیونکہ وہ الطاف حسین کے ووٹو ں سے منتخب ہوئے ۔انہوں نے کہا کہ اگر حکمرانوں نے احتساب کی راہ میں روڑے اٹکانا بند نہ کیا تو رائے ونڈ میں فیصلہ کن پڑاؤ ڈالیں گے۔ چیئرمین تحریک انصاف عمران خان کل لاہور میں تاریخی خطاب کریں گے اور آئندہ کے لائحہ عمل کااعلان کریں گے، تحریک انصاف عدالتی جنگ لڑرہی ہے اور ہمیں پورا یقین ہے کہ وزیراعظم کے خلاف ستمبر اور اکتوبر کے درمیان فیصلہ آجائے گا۔ نوازشریف آئین کی خلاف ورزی کے مرتکب ہوئے ہیں ۔ الیکشن کمیشن انہیں نااہل قرار دے ہمارے پاس نوازشریف کے خلاف ثبوت اور دستاویزات موجود ہیں جوکہ عدالتوں میں پیش کریں گے، دھاند لی کے حوالے سے جوڈیشل کمیشن کا فیصلہ سپریم کورٹ کے آدھے وکیل صحیح نہیں سمجھتے۔ پی ٹی آئی تحریک قصاص کی مکمل حمایت اعلان کرتی ہے رانا ثناء اﷲ کادہشتگرد تنظیموں سے تعلق ہے وہ اپنے آپ کوان سے الگ کریں پھر انہیں پاکستانی سمجھیں گے وہ اپنے ایجنڈے پر کام کرتے ہیں ۔خیبرپختونخوا میں دہشتگردی کے واقعات میں بیرونی سازش شامل ہے مردان دھماکے کی شدید الفاظ میں مذمت کی ،پی ٹی آئی کے بانی ارکان کادعویٰ کرنے والے حکومتی ایماء پر کررہے ہیں۔دراصل وہ بانی ارکان نہیں انہیں کئی سال پہلے پارٹی سے نکال دیا تھا۔انہوں نے کہاکہ نوازشریف کو جواب دینا ہوگا پانامہ لیکس کے بعد نوازشریف سے عوام کا اعتماد اٹھ چکا ہے ، وہ حقائق کوچھپانا چاہتے ہیں۔ جلسے جلوس اور ریلیاں نکالنا تحریک انصاف کا جمہور ی اور آئینی حق ہے اگر نوازشریف نے تاریخ پے تاریخ لینے کی کوشش کی تو تحریک انصاف سخت مزاحمت کرے گی۔ حکومت اداروں پر اثر انداز ہورہی ہے ،الیکشن کمیشن کو جلد از جلد فیصلہ کرنا ہوگا۔ پی ٹی آئی نے ہمیشہ سپریم کورٹ کا احترام کیا ہے اور آئندہ بھی کرتی رہے گی۔ تحریک انصاف کی عوامی امنگوں کے مطابق سیاسی جدوجہد جاری رہے گی ۔بعدازاں ٹی وی چینلز کے بیوروچیف سے ملاقات کی ،پاکستان مارچ اور پارٹی کے آئندہ کے لائحہ عمل کے حوالے سے آگاہ کیا۔ نعیم الحق سے سپورٹس اینڈ کلچر کے آرگنائزر عمر خیام کی قیادت میں عہدیداران نے ملاقات کی ،سپورٹ اینڈکلچر کے حوالے سے تبادلہ خیال کیا اور آئندہ کا لائحہ عمل بھی تشکیل دیاگیا۔متعلقہ عنوان :
مزید اہم خبریں
-
ایم ایل ون ملک کے مواصلات اور تجارت کے شعبوں کے لیے ناگزیر ہے، احسن اقبال
-
وزیرخارجہ محمد اسحاق ڈاراورازبک وزیرخارجہ بختیار سیدوف کے درمیان مذاکرات
-
امریکہ میں پاکستانی سفیر سے پنجابی سوسائٹی کے وفد کی ملاقات ، مختلف امورپر تبادلہ خیال
-
وزیرِاعظم سے ازبکستان کے وزیرخارجہ کی ملاقات،تجارت، معیشت، سیکورٹی، دفاع، سماجی روابط اور دیگر شعبوں میں تعاون بڑھانے پر تبادلہ خیال
-
وزیرِاعظم کی تکنیکی و فنی تعلیم کو یکساں کرنے،بیرونِ ملک پاکستانی افرادی قوت کے بہتر روزگار کیلئے پاکستان سکل کمپنی، سکل ڈویلپمنٹ فنڈ کے قیام ، تکنیکی و فنی تربیت کے شعبے میں اصلاحات کیلئے کمیٹی ..
-
نو مئی کی تحقیقات ہونی چاہیے اور ملزمان کو سزا ملنی چاہیے، جو ظلم کرے وہ بھی معافی مانگے.ڈاکٹرعارف علوی
-
امریکا کی جانب سے اسرائیل کو ہتھیاروں کی فراہمی روکنے کا باضابط اعلان سامنے آگیا
-
میں کیوں معافی مانگوں؟ عمران خان کا ڈی جی آئی ایس پی آر کو جواب
-
سی پیک کے پہلے مرحلے کے تحت 25 ارب ڈالر کے منصوبے پاکستان میں زیر تکمیل ہیں،احسن اقبال
-
نان اور روٹی کے سرکاری ریٹ کانیا نوٹیفکیشن بھی اسلام آباد ہائیکورٹ میں چیلنج
-
کینیڈا:سکھ شہری کو قتل کرنے کے الزام میںگرفتار 3 بھارتی شہریوں کو عدالت میں پیش کردیا گیا
-
عمران خان کی آزادی والے ایجنڈے پر نکلا تھا وہ آج ختم ہوگیا،شیر افضل مروت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.