سفید فام قوم پرست سماجی میڈیا کا زیادہ استعمال کر رہے ہیں - داعش کے مقابلے میں سفید فام قوم پرستوں کی جانب سے تقریباً تمام سماجی میڈیا میں ’فولوورز‘ اور یومیہ ٹوئیٹس کے لحاظ سے استعمال کہیں زیادہ ہے۔مطالعاتی رپورٹ
میاں محمد ندیم جمعہ 2 ستمبر 2016 11:01
واشنگٹن(اردو پوائنٹ اخبارتازہ ترین-انٹرنیشنل پریس ایجنسی۔02 ستمبر۔2016ء) سفید فام قوم پرست اور خودساختہ نازیوں کے ہمدرد، جو زیادہ تر امریکہ میں بستے ہیں، وہ سماجی میڈیا کا زیادہ استعمال کر رہے ہیں جو کہ داعش کے شدت پسندوں کی جانب سے انٹرنیٹ پر کیے جانے والے اعلانات سے کہیں زیادہ ہیں۔جارج واشنگٹن یونیورسٹی کے ’واشنگٹن میں انتہاپسندی‘ کے پروگرام کے تحت جاری کردہ ایک نئی مطالعاتی رپورٹ میں بتایا گیا گیا ہے کہ 2012سے اب تک امریکی سفید فام قوم پرستوں کی زیادہ تر تحریکوں میں تقریباً 22000 فولوورز شامل ہوئے، جو 600 فی صد تک کا اضافہ ہے۔
مطالعاتی رپورٹ میں بتایا گیا ہے کہ داعش کے مقابلے میں سفید فام قوم پرستوں کی جانب سے تقریباً تمام سماجی میڈیا میں ’فولوورز‘ اور یومیہ ٹوئیٹس کے لحاظ سے استعمال کہیں زیادہ ہے۔(جاری ہے)
تحقیقی مرکز نے کہا ہے کہ ٹوئٹر پوسٹ میں سب سے زیادہ معروف موضوع سفید فاموں کی نسل کشی کا تصور ہوتا جس کی بنیاد اس شبہے پر ہوتی ہے کہ ”سفید نسل“ کو معاشرے کے تنوع کے باعث براہِ راست خطرہ لاحق ہے۔
اس میں کہا گیا ہے کہ سفید فام قوم پرست سرگرم کارکن ہر روز سینکڑوں بار ٹوئیٹ کرتے ہیں، جن میں مختلف ’ہیش ٹیگس‘ اور ’نعروں‘ کا استعمال کیا جاتا ہے جن میں سفید فاموں کو میسر مراعات میں کمی کے تصور کو پیش کیا جاتا ہے۔یونیورسٹی کی اس مطالعاتی رپورٹ میں سفید فام قوم پرسوں کے ٹوئٹر پر فولوورز کے بارے میں بتایا گیا ہے کہ وہ ری پبلیکن پارٹی کے صدارتی امیدوار ڈونالڈ ٹرمپ سے قربت رکھتے ہیں، جو جائیداد کے نامور کاروباری شخص ہیں اور پہلی بار کسی منتخب عہدے کے لیے نومبر میں ڈیموکریٹ پارٹی کی امیدوار ہیلری کلنٹن کے خلاف کھڑے ہیں، جو سابق وزیر خارجہ ہیں۔رپورٹ میں کہا گیا ہے کہ اپریل میں چوٹی کی 10 ’ہیش ٹیگس‘ میں سے تین سفید فام قوم پرستوں اور نازی کے ہمدردوں کی تھیں، اور دونوں ہی کا تعلق ٹرمپ کی انتخابی مہم سے تھا۔متعلقہ عنوان :
مزید اہم خبریں
-
اصولی جدوجہد سے ہرگز دستبردار نہیں ہوں گے، عمران خان
-
اسلام آباد میں ضلعی انتظامیہ کا نان روٹی کی قیمتوں میں کمی کا نوٹیفکیشن 6 مئی تک معطل
-
وزارت اعلیٰ کی کرسی آسان نہیں تھی‘ آگ کے دریا سے گزر کر یہاں پہنچنا پڑا، مریم نواز
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.