اسرائیلی فوج نے مطلوب فلسطینی کی عدم گرفتاری پر دو بھائیوں کو حراست میں لے لیا، والد پر بھی تشدد
بدھ 31 اگست 2016 15:28
طوباس (اُردو پوائنٹ تازہ ترین اخبار۔ 31 اگست - 2016ء) اسرائیلی فوج نے فلسطین کے مقبوضہ مغربی کنارے کے شمالی شہر طوباس میں فلسطینی نوجوان کی گرفتاری کیلئے اس کے دو بھائیوں کو حراست میں لے لیا ہے۔ حراست میں لئے گئے فلسطینیوں کے والد کو سرعام تشدد کا بھی نشانہ بنایا گیا۔اطلاعات کے مطابق طوباس میں الفارعہ پناہ گزین میں رہنے والے دو فلسطینی بھائیوں کو اسرائیلی فوج نے تشدد کے بعد حراست میں لے لیا۔
مقامی شہری عبداللہ عودہ نے بتایا کہ اسرائیلی فوجی منگل کی صبح اس کے گھر میں داخل ہوئے۔ گھر میں تلاشی اور توڑپھوڑ کے بعد اس کے دو بیٹوں 25 سالہ حمزہ اور 23 سالہ ساھرکو حراست میں لینے کے بعد کسی نامعلوم مقام پر منتقل کر دیا گیا ہے۔عبداللہ نے بتایا کہ صہیونی فوجیوں نے ان کے گھر میں گھس کرتوڑپھوڑ کی اور اہل خانہ کو زد و کوب کیا۔(جاری ہے)
انہوں نے بتایا کہ اسرائیلی فوجی میرے 20 سالہ بیٹے ثائر کو حراست میں لینا چاہتے تھے مگر وہ گھر پر موجود نہیں تھا۔
قابض فوجیوں نے مجھے بھی سرعام تشدد کا نشانہ بنایا اور بیٹے کا اتا پتا پوچھنے کے آڑ میں وحشیانہ تشدد کیا گیا۔اسرائیلی فوجیوں نے کہا کہ جب تک تم اپنا تیسرا بیٹا ہمارے حوالے نہیں کرو گے اس وقت تک دوسرے دونوں بھائیوں کو نہیں چھوڑا جائیگا۔اسرائیلی فوجیوں نے نہتے فلسطینیوں پر تشدد اور غنڈہ گردی کے خلاف الفارعہ کیمپ میں کشیدگی پیدا ہو گئی۔ شہری گھروں سے اسرائیلی فوج کیخلاف نعرے لگاتے باہر نکل آئے ۔نقاب پوش فلسطینی نوجوانوں نے صہیونی فوجیوں پر پتھراوٴ بھی کیا۔ قابض فورسز نے فلسطینی مظاہرین کو منتشرکرنے کیلئے ان پر زہریلی آنسو گیس کی شیلنگ کی۔متعلقہ عنوان :
مزید بین الاقوامی خبریں
-
شدید تنقید کے بعد ملالہ یوسفزئی کا فلسطین کے حق میں بیان سامنے آگیا
-
افغانستان میں طالبان ریاست کو تسلیم کرنے کا کوئی ارادہ نہیں، امریکا
-
غزہ میں اجتماعی قبروں کی دریافت پر اقوام متحدہ کا آزاد تحقیقات کا مطالبہ
-
کیڑوں مکوڑوں والی کافی پینے سے خاتون کی جان پر بن آئی
-
برطانیہ میں ایک فلیٹ اپنے انوکھے ڈیزائن کی وجہ سے وائرل
-
میٹا کی ایپ تھریڈز کے صارفین کی تعداد 15 کروڑ سے زائد ہوگئی
-
پرتشدد واقعے کی ویڈیو ہٹانے پرآسٹریلیا اورایکس میں شدید تنائو
-
بنگلہ دیش میں ہیٹ ویو نے تباہی مچا دی،سکولز اور مدارس بند
-
متحدہ عرب امارات، حکومت کا شدید بارش اور سیلاب سے متاثرہ گھروں کی مرمت کے لیے 544 ملین ڈالردینےکا اعلان
-
بنگلہ دیش ، شدید گرمی کے باعث ہزاروں سکول بند ، تین کروڑ تیس لاکھ بچوں کی تعلیم متاثر
-
نیتن یاہو اور ان کے ساتھیوں کو شرم آنی چاہیے، اسرائیلی قیدی کی ویڈیو جاری
-
یو اے ای میں ریکارڈ بارشیں، گھروں کی مرمت کیلئے ساڑھے 54 کروڑ ڈالر کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.