شامی حکومت کیمیائی ہتھیاروں کی ذمہ دار قرار،پابندی کا مطالبہ

بدھ 31 اگست 2016 12:14

دمشق/پیرس/جنیوا(اُردو پوائنٹ تازہ ترین اخبار۔ 31 اگست - 2016ء) برطانیہ اور فرانس نے بشارالااسد حکومت کو کیمیائی ہتھیاروں کا ذمہ دار قرار دیتے ہوئے اقوام متحدہ سے شامی حکومت پر پابندی کا مطالبہ کردیا۔دوسری جانب شام نے کیمیائی حملے سے متعلق اقوام متحدہ کی تحقیقات مسترد کردیں جبکہ روس نے بھی رپورٹ پر سوالات اٹھادیے ہیں۔میڈیارپورٹس کے مطابق فرانسیسی سفیر نے کہا کہ اقوام متحدہ نے بشارالاسد حکومت کو کیمیائی ہتھیاروں کے استعمال کا ذمہ دار قرار دیا ہے، جس کے بعد شک و شہبے کی کوئی گنجائش نہیں رہتی۔

انہوں نے کہا کہ سلامتی کونسل شامی حکومت کے خلاف سخت اور فوری اقدامات اٹھائے۔روسی سفیر کا کہنا تھا کہ اقوام متحدہ کی تحقیقات نے کئی سوالات کو جنم دے دیا ہے، تحقیقات کو تسلیم کرنے سے قبل ان سوالات کا جواب دینا ہوگا۔

(جاری ہے)

برطانوی سفیر نے کیمیائی حملوں کے ذمہ داروں کو عالمی قوانین کے تحت کٹہرے میں لانے کا مطالبہ کیا ہے ۔ امریکی سفیر کا کہنا تھا کہ سلامتی کونسل یقینی بنائے کہ ذمہ داروں کو کیمیائی ہتھیار کے استعمال کرنے کی قیمت چکانا پڑے گی ۔

دوسری جانب کیمیائی حملوں سے متعلق اقوام متحدہ کی رپورٹ کو مسترد کرتے ہوئے شامی سفیر کا کہنا تھا کہ تحقیقات میں کیمیائی حملے سے متعلق ٹھوس ثبوت پیش نہیں کییگئے اور نہ ہی کلورین گیس کے نمونے یا تصدیق شدہ میڈیکل رپورٹ پیش کی گئی۔

Facebook Twitter Google + Share on Whatsapp

شامی حکومت کیمیائی ہتھیاروں کی ذمہ دار قرار،پابندی کا مطالبہ

متعلقہ عنوان :

مزید بین الاقوامی خبریں