واپڈا کے زیر تعمیر منصوبوں کی ممکنہ حد تک کم سے کم مدت میں تکمیل پہلی ترجیح ہے‘ لیفٹیننٹ جنرل (ر) مزمل حسین
اہم قومی ذمہ داری کی بجا آوری کیلئے پُر عزم ہوں ، کوشش ہوگی کہ ادارے کی کارکردگی میں نمایاں تبدیلی نظر آئے ، ملازمین کی فلاح و بہبود ، ادارے کی بہتری اور ملک کی ترقی کیلئے ہم سب مل جل کر کام کریں گے‘اجلاس سے خطاب
جمعرات 25 اگست 2016 17:37
لاہور(اُردو پوائنٹ اخبارتازہ ترین - این این آئی۔25 اگست ۔2016ء ) چیئرمین واپڈا لیفٹیننٹ جنرل (ریٹائرڈ) مزمل حسین نے واپڈا ہاؤس میں متعدد اجلاس کی صدارت کی۔اِن اجلاس میں ممبرواٹر، ممبر پاور، ممبر فنانس ، سیکرٹری واپڈا ، منیجنگ ڈائریکٹر(ایڈمنسٹریشن ) واپڈا اور سینئر آفیسرز نے شرکت کی۔اجلاس میں گفتگو کرتے ہوئے چیئرمین واپڈا لیفٹیننٹ جنرل (ریٹائرڈ) مزمل حسین نے کہا کہ انہوں نے چیئرمین واپڈا کی کٹھن ذمہ داری قبول کی ہے اور وہ اس بات کی بھرپور کوشش کریں گے کہ ان کی تعیناتی سے ادارے کی کارکردگی میں نمایاں تبدیلی نظر آئے۔
اُنہوں نے وزیراعظم کا شکریہ ادا کیا جنہوں نے اس اہم قومی ذمہ داری کے حوالے سے اُن پر اعتماد کا اظہار کیا۔ انہوں نے کہا کہ وہ اس قومی ذمہ داری کی بجاآ وری کیلئے پُرعزم ہیں۔(جاری ہے)
یہ ایک بڑی ذمہ داری ہے اور اس اعتماد کے حوالے سے وزیراعظم کی توقعات پر پورا اترنے اور پن بجلی کے منصوبوں کو ڈیڈلائن کے مطابق مکمل کرنے کے بارے میں وفاقی حکومت کے ایجنڈے کو پورا کرنے کیلئے مجھ پر اور میری ٹیم پر بھاری ذمہ داری عائد ہوتی ہے۔
اپنی ترجیحات کا ذکر کرتے ہوئے چیئرمین واپڈا نے کہا کہ اُن کی پہلی ترجیح واپڈا کے زیر تعمیر منصوبوں کو ممکنہ حد تک کم سے کم مدت میں مکمل کرنا ہے ۔ علاوہ ازیں پانی اور پن بجلی کے ایسے منصوبے جو تعمیراتی کام کیلئے دستیاب ہیں، اُن کے آغاز کی راہ میں درپیش رکاوٹیں دورکی جائیں گی اور ان منصوبوں پر تعمیراتی کام جلد ازجلد شروع کیا جائے گا۔بعد ازاں چیئرمین نے ایک خصوصی تقریب میں واپڈا ملازمین کے ساتھ تبادلۂ خیال کیا۔ اس موقع پر گفتگو کرتے ہوئے انہوں نے کہا کہ ملازمین کی فلاح و بہبود ، ادارے کی بہتری اور ملک کی ترقی کیلئے ہم سب مل جل کر کام کریں گے۔ یہ امر قابلِ ذکر ہے کہ لیفٹیننٹ جنرل (ریٹائرڈ) مزمل حسین نے گذشتہ روز چیئرمین واپڈا کی حیثیت سے واپڈا ہاؤس میں اپنے عہدے کا چارج سنبھالا تھا۔لیفٹیننٹ جنرل (ریٹائرڈ) مزمل حسین واپڈا کے 22 ویں چیئرمین ہیں۔ بطورِ چیئرمین واپڈا اپنی تعیناتی سے قبل، وہ پاک فوج میں تقریباً 38 سال خدمات سرانجام دے چکے ہیں ۔پاک فوج میں اپنی سروس کے دوران اُنہوں نے مختلف اہم عہدوں پر فرائض سر انجام دیئے۔ وہ جکارتہ (انڈونیشیا) میں بطورڈیفنس اتاشی ، چیف انسٹرکٹر کمانڈ اینڈ سٹاف کالج کوئٹہ اورگلگت بلتستان میں ڈویژن کمانڈر رہے۔ ڈویژن کمانڈر گلگت بلتستان کے طور پر اپنی تعیناتی کے دوران فرائض کی ادائیگی میں مہم جوئی کے جذبے کے باعث انہیں گلگت بلتستان حکومت کا بے پناہ تعاون حاصل رہا۔اس دوران انہوں نے گلگت بلتستان میں توانائی کے وسائل کو ترقی دینے میں بھی اہم کردار ادا کیا۔ گلگت بلتستان کے لوگوں میں ان کی مقبولیت ان کا منفرد اعزاز ہے۔انہوں نے جنرل ہیڈ کوارٹرز (جی ایچ کیو)راولپنڈی میں انسپکٹر جنرل (ٹریننگ اینڈ ایویلیوایشن)کے عہدے پربھی کام کیا ۔اُنہیں بطورکور کمانڈر گوجرانوالہ خدمات سرانجام دینے کا اعزاز بھی حاصل ہے۔ وہ برطانیہ کی مختلف یونیورسٹیوں میں پاکستان میں جمہوریت کی جانب کامیاب سفر اور مثبت اقتصادی تبدیلیوں کے موضوعات پر بھی خطاب کرتے رہتے ہیں۔متعلقہ عنوان :
مزید قومی خبریں
-
فیصل آباد ، نامعلوم سفاک افراد نے 17 سالہ دوشیزہ کو قتل کر کے نعش نہربرد کردی
-
گورنر سندھ کامران خان ٹیسوری نے گورنر ہائوس میں آئی ٹی طالب علموں میں لیپ ٹاپ تقسیم کئے
-
گورنرہائوس سے ضرورت مند افراد میں راشن کی تقسیم کا سلسلہ جاری رکھا جائے گا، گورنر سندھ
-
گورنرسندھ کی اسلام آباد میں سعودی عرب کے سفیر نواف سعید اے المالکی سے ملاقات
-
لاہور، صوبائی وزیرِ صحت کا تھیلی سیمیا کے عالمی دن پر نور فائونڈیشن کا دورہ
-
سوشل میڈیا کے ذریعے نایاب الو فروخت کرنیوالاملزم گوجرانوالہ سے گرفتار
-
وزیراعظم کا یوتھ پروگرام نوجوانوں کو ضروری مہارت اور مواقع فراہم کرنے کے لئے پرعزم ہے ،رانا مشہود احمد خان
-
وفاقی وصوبائی حکومت کے ساتھ ملکر جنوبی پنجاب کےلئے ترقیاتی فنڈز کے بجٹ میں اضافے کو یقینی بنائیں گے،سید یوسف رضا گیلانی
-
ملک میں یوریا کھاد کی یکساں قیمتیں نافذ کرنا ہوں گی ، کم نہ کرنے کی صورت میں حکومت قیمتیں فکس کر دے گی ، رانا تنویر حسین
-
خواجہ سلمان رفیق کی زیر صدارت فاطمہ جناح میڈیکل یونیورسٹی کا 37واں سینڈیکیٹ اجلاس
-
وزارت مذہبی امور کے زیر انتظام 39 واں سالانہ مقابلہ حفظ قرآن و حسن قرأت شروع
-
لیسکو کی بجلی چوروں کے خلاف کارروائی ،4 بجلی چور گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.