اب تمام فیصلے ایم کیو ایم پاکستان کرے گی اور لندن سے کوئی احکام نہیں آئے گا‘اگر لندن میں بیٹھے لوگ آئندہ کوئی فیصلہ کرتے ہیں تو وہ ایم کیو ایم کو سنبھالیں ہم کوئی اور جماعت بنالیں گے
متحدہ قومی موومنٹ کے ڈپٹی کنوینر رکن قومی اسمبلی ڈاکٹر فاروق ستار کی پریس کانفرنس
منگل 23 اگست 2016 22:48
کراچی(اُردو پوائنٹ اخبارتازہ ترین - آئی این پی۔23 اگست ۔2016ء) متحدہ قومی مومنٹ کے ڈپٹی کنوینر رکن قومی اسمبلی ڈاکٹر فاروق ستار نے کہا ہے کہ اب تمام فیصلے ایم کیو ایم پاکستان کرے گی اور لندن سے کوئی احکام نہیں آئے گا،اگر لندن میں بیٹھے لوگ آئندہ کوئی فیصلہ کرتے ہیں تو وہ ایم کیو ایم کو سنبھالیں ہم کوئی اور جماعت بنالیں گے،پیر کو جو نا خوشگوار واقعہ ہوا ،وہ زہنی تناؤ اور خرابی صحت کا نتیجہ تھا ،میڈیا ہاؤسز اور میڈیا نمائندوں کے ساتھ ہونے والی بد سلوکی پر معذمت خواہ ہیں ،وہ منگل کو پریس کلب میں ہجوم پریس کانفرنس سے خطاب کررہے تھے،اس موقع پر ایم کیو ایم رہنماء نسرین جلیل سندھ اسمبلی میں اپوزیشن لیڈر خواجہ اظہار الحق ،اراکین قومی وصوبائی اسمبلی کے اراکین بھی موجود تھے،ڈاکٹر فاروق ستار ننے کہا کہ پیر کو بھوک ہڑتال کے موقع پر جو کچھ ہوا وہ نہیں ہونا چاہئیے تھا جو نعرے لگائے گئے وہ نہیں لگنے چاہئیے تھے،انہوں نے کہا کہ متحدہ قومی مومنٹ ملک کی تمام اکائیوں کو متحد کرنے کا عمل ہے،ایم کیو ایم پاکستان میں رجسٹر جماعت پے جو پاکستان کے آئین وقوانین کا مانتی ہے،پاکستان کو مضبوط ومستحکم دیکھنا چاہتی ہے،انہوں نے کہا کہ پیر کو جو پاکستانی شہریوں کی دل آزادی ہوئی ہے،وہ ایم کیو ایم کی پالیسی نہیں ہے ہم معذرت خواہ ہیں جو اشتعال انگیزی ہوئی یا حملہ ہوا اس سے ہم لاتعلقی کا اعلان کرتے ہیں،فاروق ستار نے کہا کہ ایم کیو ایم کی سیاست میں لفظ تشدد کی کوئی گنجائش نہیں ہے جن لوگوں نے پیر کو گھناؤنی کارروائیاں کی ہیں ان کو سزا ضرور ملنا چاہئیے،اگر ان کا تعلق ایم کیو ایم سے بھی ہے تو ان کو قانون کے کٹہرے میں لایا جائے،ڈاکٹر فاروق ستار نے کہا کہ جو واقعہ رونماء ہوا اس پر قائد تحریک الطاف حسین نے معافی مانگتے ہیں اور ندامت محسوس کرتے ہیں جس کے بعد ہمیں امید ہے کہ قوم اس غلطی کو معاف کردے گی،انہوں نے کہا کہ ایم کیو ایم کہ30 سالہ سیاست میں کارکنان نے سختیاں برداشت کی ہیں،ہم نے لوگوں کی خدمت کی ہے اور عدالتوں میں مقدمات سمیت تمام مشکلات کا سامنا کیا ہے ہم پر لاکھوں افراد نے اعتماد کرتے ہوئے یہ الیکشن میں ہمارے نمائندوں کو کامیاب کررہا ہے اگر ہمارے منتخب نمائندے زیادہ تر متوسط طبقے سے تعلق سے رکھتے ہیں،انہوں نے کہا کہ آج کی پریس کانفرنس کے بارے میں یہ نہ سمجھا ججائیے کہ یہ کسی دباؤ کے نتیجے میں کی گئی ہے میں8 گھنٹے تک رینجرز کی تحویل میں ضرور تھا،تاہم جو پریس کانفرنس میں آج کررہا ہوں وہ پیر کو ہی کرنا تھی ،تاہم موقع نہیں دیا گیا،ڈاکٹر فاروق ستار نے کہا کہ کل کی صورتحال کے بعد ہمارے ساتھیوں سے صلح ومشورے جاری ہیں جو بھی فیصلے کریں گے وہ ملک وقوم کے مفاد میں کے مفاد میں ہوگا،انہوں نے کہا کہ آج کی پریس کانفرنس کے بعد ہم توقع کرتے ہیں کہ اب ہمارے سیل کئے گئے دفاتر کھول دئیے جائیں گے اور ہماری سیاسی سرگرمیاں جاری رہیں گی ،انہوں نے کہا کہ آج بدھ کو کراچی سمیت حیدرآباد اور میرپور خاص میں مئیر ،ڈپٹی مئیر اور ضلعی چئیرمینوں نے انتخابات ہورہے ہیں جن میں منتخب نمائندے بالا خوف خطر اپنا حق رائے دہی استعمال کریں گے ،پریس کانفرنس کے اختتام پر پاکستان زندہ باد کے نعرے بھی لگائے گئے،اس موقع پر ایم کیو ایم رہنما ڈاکٹر عامر لیاقت حسین نے کہا کہ قائد ایم کیو ایم اپنی ذہنی کیفیت کو ٹھیک کرلیں،بار بار معافی نہیں ہوسکتی، ان باتوں کا بوجھ اب نہیں اٹھا سکتے،اب 5پلس فارمولا ہے،پاکستان مہاجروں نے بنایا تھا ،ہمارے لیے پاکستان صرف زندہ باد ہے، انھوں نے کہا کہ کل میں نے تن تنہا مقدمہ لڑا ہے ،تنہائی کو محسو س کیا ہے ،ایسے عمل سے ایم کیو ایم کے کارکنان کو مصیبت جھیلنی پڑتی ہے،ہم کراچی کے لوگوں کو ایسے نہیں چھوڑ سکتے۔
(جاری ہے)
متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.